Isaya 28:9 - KITABU KITAKATIFU

⁹ A legidza bwaha limanya? A la mannya bwaha megidzo? Ni yavo ava luguhira, nokutwulidzwa ku tsimbeere?

Isaya 28:9 ပူးပေါင်းရင်းမြစ်များ

Zaburi 131:2

Ligali neminye mwoyo gwange nokugukiring'annya; Kuli mwana wa luguhira naye a veye halala na mama wewe, Kuli mwana wa luguhira mwoyo gwange gu veye ndiyo mu inze.

Zaburi 50:17

Kigira u veye mundu u sulanga kwegidzwa, Na u teye makuva gange ha mgongo gugwo?

Tsing'ano 1:29

Kigira va dunyira limanya, Na si va tovola ubutii bwa Yahova:

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 28:26

Kigira Nyasaye wewe a mu laga nga bulungi, nokumwegidza.

Isaya 30:20

Hene yaho Yahova a la ku ha ubukima bwekivi, na madzi gobusaliri, ku yaga gosi avegidzi vovo si va la viswa kandi ligali, navutswa tsimoni tsitsyo tsi la lola avegidzi vovo;

Isaya 48:17

Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Jeremia 35:13

Yahova wa mahe, Nyasaye wa Israeli, a ku volera: Tsia, u volere avandu va Yuda, na avamenya Yerusalemi, Si mu bugirira kuvugula megidzo mu hulire amakuva gange? Yahova a vola.

Jeremia 5:31

avavrofeti va profetanga bubehi, navasalisi vameha netsingulu tsyobutugi bwavo; na vandu vange va yanza vindu yivi ndiyo: na mu la kola ki ku kiheri kyavyo?

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Marko 10:15

Ligali inze mmu volera, Ku vosi u ta bugirira ubwami bwa Nyasaye kuli mwana, si a lingira mu, kali hakuzu.

Yohana 12:38

li duke likuva lya Isaya muprofeti ya vola Mwami, ibwaha u suuvira livola lyetu? Kandi ibwaha wa vuulirwa mukono gwo Mwami?

Yohana 3:19

Kandi likalaga ni yili, ubulavu bwingiye mu kivala, na vandu va yanza kisundi kuvita ubulavu; kigira miyinzi gyavo gyi veye midamano.

1 Petro 2:2

kuli avana vadoto avivuywi kalunu, mwenye ligali amaveere ageligali aga ta li nobusyemi, mu duke kuviruka kugo kuduka ku buhonnyi;