Isaya 28:7 - KITABU KITAKATIFU

⁷ Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 28:7 ပူးပေါင်းရင်းမြစ်များ

Zaburi 107:27

Va vekera yiyi na yiyi, nokugenda kuli muhamhiki, Na ubugeeri bwavo bu mireywi.

Tsing'ano 20:1

Lwaini i veye yekihenyahenye, kyokunwa kilulu ki kola liyoga; Na uyu u gadwa mu vindu yivi si a veye nobugeeri.

Tsing'ano 23:30

Ni yavo ava hongera kunwa amalwa; Ni yavo ava tsitsanga kwenya vyokunwa vya yengwa.

Kohelethu 10:17

U veye nobugasu, O kivala, mwami wowo lwa ya li mwana wavandu velidzominywa, navanene vovo va lia inyinga i dukanga, va duke kunyola tsingulu, lilia li ta li lyobuhambiki

Isaya 19:14

Yahova u tsugannyi roho gwobukyamu hagati hakyo; na va gotidzi Egepeti mu miyinzi gyakyo gyosi, kuli muhambiki a yekayekanga mu liluka lilye.

Isaya 22:13

na vutswa henza, ubuyanzi nobusangali, nokwiita tsing'ombe nokwiita magondi, nokulia inyama nokunwa iwaini: Gendi ku lie nokunwa, kigira mugamba ku kudzanga.

Isaya 24:2

Na ga la va, kuli ga veye ku avandu, ga la va ndiyo ku vasalisi; kuli ga veye ku mutugwa, ga la va ndiyo ku wamutuga; kuli ga veye ku mukana mutugwa, ga la va ndiyo ku wekikali wamutuga; kuli ga veye ku muguli, ga la va ndiyo ku mugulanyi; kuli ga veye ku uyu u hambidzanga kivete, ga la va ndiyo ku uyu u hambanga kivete; kuli ga veye ku uyu u vugulanga vyambeti, ga la va ndiyo ku uyu u mu hedzanga vyambeti.

Isaya 24:20

Lirova li la yekayeka kuli muhambiki, nokuhungudzwa yiyi neyiyi kuli mwinuya; nelihyolo lyalyo li la va liliduhu kulyo, na li la gwa, nokuvula kuvuka kandi.

Isaya 28:1

Ubudamano bu veye ku itaji yoluyai lwa avahambiki va Efiraim, noku kimuli ki nialanga kyobulahi bwobukumi bwibwe, ki veye ku mutwe gwelivona linolu lya yava ava guutwa na iwaini

Isaya 29:11

Na malola yaga gosi ga gwiye ku mwinye kuli makuva gekitabu kya vikwa muhuri, kyavandu va letera mundu welimanya ligali, ni va vola, Mwadza, u soma likuva yili: naye ya vola, Inze si nyala, kigira kya vikwa muhuri:

Isaya 3:12

Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

Isaya 43:27

Guga wowo wokutanga ya kola ubwoni, navegidzi vovo va hyola ku inze.

Isaya 5:11

Ubudamano bu ve ku yavo ava vukanga mabwebwe, va duke kulonda lihambika; ava hongeranga kuduka ubudiku hagati, iwaini i luhe yaakidze muliru muvo

Isaya 5:22

Ubudamano bu ve kuvo avetsi ngulu tsyokunwa iwaini, noku ave tsingulu kutsukannya vyokuhambikidza;

Isaya 5:23

avahedzanga mudamano ubulungi ni va vugula kikukula, na va nuula wobulungi ubulungi bwibwe.

Jeremia 14:14

Hene yaho Yahova ya mbolera, Vaprofeti yavo va profeta ububehi ku lieta lyange; si nda va laga mba, kandi si nda va volera mba: va hedzanga mwinye ubuprofeti bwamalola gobubehi, nobusegetiri, nelikuva lya vutswa, nobugadi bwemyoyo gyavo.

Jeremia 23:13

Ndoli ubusiru ku vaprofeti va Samaria; va profeta na Baal, va kyaminya avandu vange Israeli.

Jeremia 23:16

Yahova wa mahe a vola, Mu ta hulira amakuva ga vaprofeti ava profeteranga mwinye: va mwegidzanga amakuva ga vutswa: va volanga malola gemyoyo gyavo avene, si ga li aga twulanga mmunwa gwa Yahova mba.

Lisyoma lya Jeremia 2:4

U nyiye ubuta bwibwe kuli musigu, u singiye nomukono gwigwe mulungi kuli mudambidzi, Na wiiti vosi ava loleka kuva avokuyanzidza imoni: Mu lihema lyomukana wa Zioni u tsuki ubutima bwibwe kuli muliru.

Ezekieli 13:7

Si mwa lola malola ga vutswa, kandi si mwa vola busegetiri bwobubehi, mu livola lya mu volanga, Yahova a vola; na vutswa si nda vola kindu?

Ezekieli 44:21

Kandi umusalisi kali mulala a la vula kunwa iwaini, lwa vingira mmugidzi gwomugati.

Hosea 7:5

Ku lidiku lyomwami wetu avanene vekola avalwaye nobululu bwewaini; ya nyira mukono gwigwe halala na valegi.

Mika 2:11

Mundu na a va na a genda mu roho gwobugadi a veha, nokuvola, Nda profetera ive makuva gewaini, na gekyokunwa kilulu; uyu a la va muprofeti wavandu yava.

Habakuk 2:15

O bayaye ku uyu u hedzanga mutende wewe kyokunwa, u vikanga ubusungu bubwo mukyo, nokumuhambikidza, u duke kuhenza kyahonyo kyavo

Habakuk 2:16

Ive wizuye tsisoni, si wizuye ubukumi: na ive u nwe, u ve kuli uyu wa vula kukevwa; kikombe kyomukono mulungi gwa Yahova ki la girunkanywa ku ive, netsisoni tsi ndamano tsi la va ku ubukumi bubwo.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:

Vafeso 5:28

Na ndiyo kandi ga dukira avasatsa kuyanza avakali vavo kuli va yanzanga imibiri gyavo avene. U yanzanga mukali wewe mwene yeyanzanga: