Isaya 28:4 - KITABU KITAKATIFU

⁴ nekimuli kyobulahi bwibwe bwobukumi, ki veye ku mutwe gwelivona linolu, ki la va kuli likuyu lyengu li kala muhiga; lya uyu u li henzanga, lwa a li lola, nonoho a li litsanga lwa li veye mmukono gwigwe.

Isaya 28:4 ပူးပေါင်းရင်းမြစ်များ

Isaya 28:1

Ubudamano bu veye ku itaji yoluyai lwa avahambiki va Efiraim, noku kimuli ki nialanga kyobulahi bwobukumi bwibwe, ki veye ku mutwe gwelivona linolu lya yava ava guutwa na iwaini

Isaya 8:4

Kigira lwa mwana uyu a kikiri kumanya kuvola, Dada wange, na Mama wange, ubutugi bwa Da masko, nevilanye vya Samaria vi la hilwa imbiri womwami wa Asuria.

Hosea 13:1

Lwa Efiraim ya vola, lidegera lya li ho; yeyidzominya mwene mu Israeli; navutswa lwa ya kola mahyolo mu Baal, ya kudza.

Hosea 13:15

Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi.

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Hosea 9:16

Efiraim u duyeywi, kitinya kyavo kyumi, va la vula kwama makuyu kali lilala: yee kali ni vama inze ndiita lyama lyenda yavo li yanzangwa ligali.

Mika 7:1

O bayaye ku inze kigira mbeye kuli lwa va mali kwagula makuyu genyinga yoluya, kuli mazabibu ga dolangwa mu inyima yelyagula: nekiganda si ki nyoleka kulia; nomwoyo gwange gwenyanga makuyu gokutanga kwenga.

Nahum 3:12

Tsimpinga tsitsyo tsyosi tsi la va kuli mikuyu gyi veye na makuyu gokutanga kwenga: ni gyi sung'uswa, gagulukiranga uyu u litsanga mmunwa gwigwe.

Likunula 6:13

netsing'ereng'ani tsyomigulu tsya guluka ku lirova, kuli mukuyu gu vungulula makuyu gagwo amagengi, inyinga imbuudza inene i gu sung'usa nga.