Isaya 28:21 - KITABU KITAKATIFU

²¹ Kizira Yahova a la singira kuli mu kigulu kya Pera zim, a la va nobutima kuli mu livona lya Gibeon, a kole muyinzi gwigwe; muyinzi gwigwe mugeni; nokukola likola lilye, likola lilye ligeni.

Isaya 28:21 ပူးပေါင်းရင်းမြစ်များ

2 Samweli 5:20

Na Daudi ya duka Baalperazim, na Daudi ya va kuyira yo; naye ya vola, Yahova u vunanye avasigu vange imbiri wange, kuli litegula lyamadzi. Kunangwa ya gulika lieta lya ha zana, Baalperazim.

2 Samweli 5:25

Na Daudi ya kola ndiyo, kuli Yahova ya mu laga, na ya kuya Vafilisiti kutwula Geba kuduka Gezeri.

1 Kyetsinyinga 14:11

Ma va duka Baalperazim, na Daudi ya va kuyira yo; na Daudi ya vola, Nyasaye u vunannyi avasigu vange nomukono gwange, kuli lidzu lira lyamadzi. Kigira yaga va gulika ha zana Baalperazim.

1 Kyetsinyinga 14:16

Na Daudi ya kola kuli Nyasaye ya mu laga: na va kuya lihe lya Vafilisiti kutwula Gibeon kudulsa Gezeri.

Zaburi 94:16

Ibwaha u li singirira inze ku avadamano? Na ibwaha a la mwanira ku va kola ubudamano?

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 28:19

Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva.

Isaya 29:14

kunangwa kigira yaga, henza nda kola kandi miyinzi gyeligenya hagati ha avandu yava, miyinzi gyeligenya, likuva lyokugenya nokuhuga; nobugeeri bwavageeri vavo bu la gota, nelimanya lyavetsiganagani vavo li la viswa.

Isaya 29:23

Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.

Isaya 64:2

kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Jeremia 30:14

Vosi ava li ni va ku yanza va kwiviriye; si va kwenya mba: kigira nkwati ulugoma, kuli lwomusigu, nelikuya lyowekirage; kigira ubunene bwobudamano bubwo kigira ubwoni bubwo bwa medeka.

Lisyoma lya Jeremia 2:15

Vosi ava vitanga va ku kong'ondera makono; Va kunukanga, va sung'usanga mitwe gyavo ku mukana wa Yerusalemi, ni va vola, Lidala yili nilyo lya langwa, Umudukiru wobulahi, busangali bwelirova lyosi?

Lisyoma lya Jeremia 3:33

Kigira si a va vikanga mu kivi, kinga kuvereridza avana va vandu nomwoyo gwobuyanzi.

Ezekieli 33:21

Na ga duka mu muhiga gwelikumi na gyiviri gwelyadikidzwa lyetu, ku mueli gwelikumi, ku lidiku lya gatano lyomweli, mundu mulala wiruka kutwula Yerusalemi yadza ku inze, ni ya mbolera, Lidala li kuyeywi.

Habakuk 1:5

Henza, mwinye ava veye hagati hetsihiri, mu lole, na mu genye ligali; kigira nkolanga miyinzi mmadiku genyu, gya mu vula kusuuvira kali ni mu volerwa.

Joshua 10:10

Na Yahova ya va salannya imbiri wa Israeli, na ya viita neliita linene ha Gibeon, na a va kunga nokuvalonderera ku inzira yokwanegira Bethhoron, na a va kuya kuduka Azeka, no kuduka Makeda.

Joshua 10:11

Na ga duka, lwa va li ni virukanga imbiri wa Israeli, lwa va sulunguta Beth-horon, Yahova ya va lasa magina manene kutwula migulu kuduka Azeka, ni va kudza: ava kudza kwiitwa na magina gembula va veye vanyingi kuvita ava avana va Israeli viita nekivavi.

Joshua 10:12

Hene yaho Joshua ya volera Yahova, ku lidiku yilyo lya Yahova ya twulidza Vaamori imbiri wa avana va Israeli; na a vola imbiri wetsimoni tsya Israeli, Ive Liuva, singira igulu ku Gibeon; Ne ive, Mweli, singira mwivona lya Aijalon.