Isaya 28:19 - KITABU KITAKATIFU

¹⁹ Tsinyinga tsyosi tsya ki vita hagati, ki la vugula mwinye; kigira ki la vita mugamba nomugamha, inyi nga yombasu na inyinga yobudiku; i la va litihidza lyere kumanya likuva.

Isaya 28:19 ပူးပေါင်းရင်းမြစ်များ

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

2 Avami 18:13

Kunangwa ku muhiga gwa kola likumi na gyine gwelyameha lya Hezekia, Senakeribu mwami wa Asuria yanegira kulwana namadala gosi ga Yuda agetsingaga, nokugavugula.

2 Avami 21:12

kigira yaga Yahova, Nyasaye wa Israeli, a vola, Henza, ndeta ubudamano ku Yerusalemi noku Yuda, kuduka sa mulala u hulira makuva yaga, amatu gege ga la tsinatsina.

2 Avami 24:2

Yahova ya tuma viduma vya Vakalidei, neviduma vya Vasiria, neviduma vya Vamoabu, neviduma vya avana va Amon, vi tsie kulwana naye, ya tuma yavo va lwane na Y uda va duka kuvadividza, kuli likuva lya Yahova, lya ya vola nomunwa gwavatumekiri veve avaprofeti.

Ayubu 18:11

Vindu vyokutihidza vi la mbika mu butii tsimbega tsyosi, Nokumulonderera tsimbiru himbi na maki gege.

Ayubu 24:17

Kigira umugamba gu gweyi kuli kiriri kyelikudza kuvo vosi; Kigira va manya vyokutihidza vyekiriri kyelikudza.

Ayubu 41:9

Henza, likayirwa lyayo li veye lya vutswa: Mundu si a li tsomwa hasi kali kugilola?

Ayubu 6:4

Kigira mibaho gya Wanyala Vyosi gyi veye mu inze, Ubutsiba bwagyo mwoyo gwange gwa nwa: Vyokutihidza vya Nyasaye vyesingiridza ku inze.

Zaburi 55:4

Mwoyo gwange gu saliranga ligali mugati mwange: Na litihidza lyelikudza li duki ku inze.

Zaburi 88:15

Nkupidzangwa kivi na nzetegeki kukudza kutwula bwana buke: Lwa ng'inganga litibwa lilyo mbenda mwoyo.

Isaya 33:7

Henza, avaluviriri vavo va kupanga uluku kyova; avatumwa avemi rembe va liranga nobululu.

Isaya 36:22

Hene yaho Eliakim mwana wa Hilikia, wa li munene mu inyumba, na Shebina mung'odi, na Joa mwana wa Asafu i muvalidzi, va tsia ku Hezekia, ni va tanduye tsingubo tsyavo, na va mu volera amakuva ga Rabishake.

Isaya 37:3

Va mu volera, Hezekia a vola, Lidiku lya lero yili li veye lidiku lyekivi, nelyokuhebwa mageli, nelya manyego; kigira avana va duki kwivulwa, netsingulu tsyokwivula si tsi ve ho mba.

Isaya 50:4

Yahova Nyasaye u mali kumba ululimi lwa yavo avegidzwa, nduke kumanya kuli nyala kukonya namakuva gange uyu u luhi: a vukidzanga mugamba nomugamba, a vukidzanga ugutu gwange kuhulira kuli yavo avegidzwa.

Jeremia 19:3

u vole, Mu hulire likuva lya Yahova, mwinye avami va Yuda, na va menyanga mu Yerusalemi: Yahova wa mahe, Nyasaye wa lsraeli a vola, Henza, nda leta budamano hano, ubwa uyu u hulira kubwo, amatu gege ga la mu tsuna.

Jeremia 4:5

Mu landidze mu Yuda, mwilwadze mu Yerusalemi; nokuvola, Mu kupe visiliva mu kivala: mu kupe uluku, mu vole, Mu vugane halala, kwingire mu madala golugaga.

Jeremia 4:9

Kandi ga la va ku lidiku yilyo, Yahova a vola, mwoyo gwomwami gu la kudza, nemyoyo gyavanene; navasalisi va la genya, navaprofeti va la tangalala.

Jeremia 6:24

Ku huliye lusuma lwilwe; namakono getu ga gwa madedekere: litsunwa li ku gumiye, na lilumwa kuli mukali mu lilumwa lilye.

Lisyoma lya Jeremia 2:22

U langi, kuli mu lidiku lyelivugana, vyokutihidza vyange vi veye tsimbega tsyosi; Si ha veye kali mulala wa hona, kinga wa tigala mu lidiku lyobutima bwa Yahova: Yavo ava nda lera nokuvirukidza, musigu wange u mali ku va heridza.

Danyeli 7:28

Yiki ki veye kiheri kya makuva. Ku makuva gange inze, Danyeli, tsiganagani tsyange tsya mbendidza mwoyo, na ligondo lyange lya galula mu inze: navutswa nda linda makuva mu mwoyo gwange.

Danyeli 8:27

Na inze, Danyeli, ihuvuki ya mbuha, na nda lwala madiku ga duki; ma nda singira nokukola miyinzi gyomwami: na nda genyera malola yaga, navutswa si ha li nowa ga manya.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

1 Samweli 3:11

Na Yahova ya volera Samweli, Henza, nda kola kindu mu Israeli, ku vosi u hulira kindu yikyo amatu gege gombi ga la lutsirira.