Isaya 28:17 - KITABU KITAKATIFU

¹⁷ Nda singeridza likalaga kuva ligera, nobulungi bu la singelidzua kuva iplum; na imbula vamagina i la hila kyokwivisa mu kyobubehi, namadzi ga lizulitsa kuvita hokwivisa.

Isaya 28:17 ပူးပေါင်းရင်းမြစ်များ

2 Avami 21:13

Na inze nda nyira ku Yerusalemi mugoye gwa Samaria, na plumb yenyumba ya Ahabu na ndeya Yerusalemi kuli mundu yeyanga isahani, ku lyeya nokuligirunkannya mmoni mu henza hasi.

Ayubu 22:16

Avedzumbwa inyinga yavo ni kikiri kuduka, Avomuse gwavo gwa sundulwa kuli mugera,

Zaburi 94:15

Kigira likalaga li lirana ku ubulungi; Na avemyoyo milungi va la bu londa.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 25:4

Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.

Isaya 28:15

Kigiramwa vola, Kwinye ku koli lilagana nelikudza, na ku hambana ne Kihadisi; liduya lizulira lwa li la vita hagati si li la duka ku kwimze; kigira ku lombi ububehi kuva hokwivisa hetu, na kwivisi isi wobugadi:

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 30:28

mwika gwigwe gu yeye kuli mugera gwizuliranga, gu dukanga mwigoti, kusesa tsihiri nelisesa lyobudivi: nelijamu li kyaminyanga Ii la va mmunwa gyavandu.

Isaya 32:2

Na mundu a la va kuli hokwivisa ku mbuudza, na hoku kunika ku kihi; kuli migera gya madzi mu ahumu, kuli kiriri kyolwanda mu kivala kyeliluha.

Isaya 5:16

navutswa Yahova wa mahe u nenehidzeywi mu likalaga, na Nyasaye Uyu Mutakatifu u takaseywi mu bulungi.

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Jeremia 19:7

Na nda kola makuva ga Yuda na Yerusalemi kuva vutswa hano; na nda va dividza nekivavi imbiri wa vasigu vavo, noku makono ga yava avenyanga livamwoyo lyavo: nemibiri mikudzu gyavo nda gyi haana gyi ve vyokulia vyamanyonyi gombwerefu, netsinyama tsindulu tsyekivala.

Jeremia 23:19

Henza, kihi kya Yahova, ki veye ubutima bwibwe bwomuliru, bu twuli, yee, ki veye kihi kyekihudzudzi: ki la hudukira ku mitwe gyavadamano.

Jeremia 7:14

kigira yaga nda kolera inyumba yiyi i langwa ku lieta lyange, ya mu suuvira ku, na hango hano ha nda ha mwinye navaguga venyu, kuli nda kolera Shilo.

Jeremia 7:20

Kigira yaga Mwami Nyasaye a vola: Henza, ubutima bwange nelivihiririrwa lyange vi la tsukwa hango hano, ku vandu, noku mitugu, noku misala gyemilimi noku makuyu gekivala; ga la hya, kandi si gu la siminywa mba.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Nahum 1:8

Navutswa a la heridza hango hehe ligali nolugaga lwa madzi, na a la londerera avasigu veve kuduka mkisundi.

Matayo 7:27

imbula ya kupa, na madzi gizulira, nembuudza ya huudza vya kupa ku inyumba yeyo; ya gwa: kandi ligwa lyayo lya li linene.

Varumi 2:2

Kwinye ku manya ligali likalaga lya Nyasaye li veye mu ageligali ku vosi ava londanga vindu yivi.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Varumi 9:28

kigira Mwami a la kola makuva gege ku lirova, a li malilidza nokugakalaga.

Joshua 10:11

Na ga duka, lwa va li ni virukanga imbiri wa Israeli, lwa va sulunguta Beth-horon, Yahova ya va lasa magina manene kutwula migulu kuduka Azeka, ni va kudza: ava kudza kwiitwa na magina gembula va veye vanyingi kuvita ava avana va Israeli viita nekivavi.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 16:21

Kandi imbula inene yamagina, amagina selilala lya leng'ana netalanta, ya twula migulu ni yika ku vandu: kandi avandu va nyega Nyasaye kigira liduya lyembula yamagina; kigira liduya lyayo li veye linene ligali.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.