Isaya 28:16 - KITABU KITAKATIFU

¹⁶ kunangwa kigira yaga Yahova Nyasaye a vola, Henza, mbikanga ligina mu Zioni li duke kuva muse, li veye ligina lya geridzwa, li ve ligina lyolwiga lwomuse, lyobuguli budinyu: na uyu u suuvira a ta kola bwangu.

Isaya 28:16 ပူးပေါင်းရင်းမြစ်များ

Litanga 49:10

Impimbo yobwami si i la twula ku Yuda, Kandi impimbo yokwameha si i la twula hagati hevirenge vivye, Kuduka inyinga Shilo yadza; Na lihulira lyavandu li la va kuye.

Litanga 49:24

Navutswa buta bwibwe bwa menya netsingulu, Na tsimbamba tsyamakono gege tsya vikwa tsingulu, Namakono ga Wetsingulu wa Yakobo, (Mwayi ya twula yo, u veye a Lwanda lwa Israeli,)

2 Kyetsinyinga 20:20

Na va vuka mabwebwe, ni va twula kutsia mu kyangalangwi kya Tekoa: na lwa va twula, Jehoshafatu ya singira, na a va volera, Mu mbulire, Yuda na vamenyi Yerusalemi: mu suuvire Yahova Nyasaye wenyu, na ndiyo mu la dinyeridzwa; mu suuvire vaprofeti veve, na ndiyo mu la gasidzwa.

Zaburi 118:22

Ligina lya avombaki va sula Li gwiye mutwe gwo lwiga.

Zaburi 87:1

Muse gwigwe gu veye mu vigulu vitakatifu.

Isaya 14:32

Kunangwa mundu a la tivulira ndi avatumwa vehiri? A la vola, Yahova u temi muse gwa Zioni, na yavo va dambidzwa mu avandu veve va lirukira yo.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 54:11

O ive welidambidzwa, u sung'usangwanekihi, u vula kuleminywa mwoyo, henza, nda vika magina gogo mu tsirangi tsindahi, na nda tema muse gugwo netsisafiro.

Danyeli 2:45

Kuli ive wa lola ligina lya twulidzwa ku kigulu bugira makono, na lya donyannya kivya, nomugasa, nobudohi, nefetha, nethahabu; Nyasaye munene u mannyi mwami amakuva gevindu vi li va ho mu madiku gadzanga: na liloto li veye lyeligali, na livuula li veye lyeligali.

Zekaria 10:4

Ligina lyolwiga li la twula kuye, nomsumari, nobuta bwobulwani bu la twula kuye, ku vosi avamehanga va la twula kuye.

Zekaria 3:9

Kigira, henza, ligina lya mbika imbiri wa Joshua; ku ligina lilala tsi veye ku tsimoni tsitano na tsiviri; henza, nda ng'ola bung'oli bwalyo, Yahova wa mahe a vola, na nda twulidza ubudamano bwekivala yikyo ku lidiku lilala.

Matayo 21:42

Yesu ya va volera, Si mwa soma mang'oda, Ligina lya vombaki vambakana, Yili lya duka kuva mutwe gwoiwiga; Yaga ga twula ku Mwami, Ga veye gokugennya mu tsimoni tsyetu?

Marko 12:10

Si mu somi kali ling'oda yili: Ligina lya vombaki va suye, Yili lyene lya kolwa mutwe gwo lwiga

Varumi 10:11

Kigira ma ng'oda ga vola, Ku vosi u mu suuvira si a li va soni.

Varumi 9:33

kuli wa ga ng'odwa, Henza, mbika ku Zioni iigina lyokwikigitalidza, nolwanda lwokuvihiriridza: Noyu u mu suuvira si a li va soni.

1 Vakorintho 3:11

Kivune si ha veye nomundu u nyala kuyava muse gundi gu vita yigu gwa yavwa, nagwo ni Yesu Kristo.

Vafeso 2:20

kigira mwombakeywi mmuse gwavatumwa nava profeti, Kristo Yesu mwene a veye ligina lyolwiga linene;

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.