Isaya 27:8 - KITABU KITAKATIFU

⁸ Lwa u va kunga, u la hing'ana navo, nekigero; ya va twulidza nembuudza yeye indulu mu lidiku lyembuudza yevu gwe.

Isaya 27:8 ပူးပေါင်းရင်းမြစ်များ

Ayubu 23:6

A nyala kuhing'ana ninze mbunene bwobunyali bwibwe? Auwa; navutswa a la hulira likuva lyange.

Zaburi 103:14

Kigira a manya lilombwa lyetu; Na yidzulitsa kwinye ku veye lugukyi.

Zaburi 103:9

Si a la lembana madiku gosi; Kandi si a la vihiriu a mihiga nemihiga.

Zaburi 38:1

Yahova u ta mbera amageli mu butima bubwo; Kinga kunkuyira mu butima bwoluya bubwo.

Zaburi 6:1

O Yahova u ta ng'ondokera mbutima bubwo, Kandi u ta ngerihidza mu budunyi bululu bubwo.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Zaburi 78:38

Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Isaya 54:7

Ku idakika inkekeke nda ku leka; navutswa ku tsimbabasi tsinene tsyemihiga nemihiga nda ku vungidza.

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Isaya 64:5

Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa?

Jeremia 10:24

O Yahova, u mbe amageli, navutswa ku bulungi; ga ta va ku butima, gase u la ngehidza.

Jeremia 30:11

Kigira inze mbe halala nive, Yahova a vola, kukuhonya: kigira nda heridza ligali tsihiri yitsyo tsyosi ha nda ku salannya, navutswa si nda heridza ive mba; navutswa nda ku ha mageli nelikalaga, kandi si nda ku leka bugira kukuha mageli kali hakuzu mba.

Jeremia 4:11

Inyinga yeyo avandu yava na Yerusalemi va la volerwa likuva yili, Imbuudza yoluya i twulanga hadiguluku nomu kyangalangwi ku luvega lwo kuhenza ku mukana wavandu vange, si i veye imbuudza yokusesa, kinga; imbuudza yokutakasa

Jeremia 4:27

Kigira Yahova a vola ndi Kivala kyosi ki la va vutswa, halala na yaga si nda ki mala ligali.

Jeremia 46:28

Ive u ta tia mba, O Yakobo mutumekiri wange, Yahova a vola; kigira inze mbeye halala nive: kigira inze nda heridza ligali tsihiri yitsyo tsyosi tsya nda ku kunga kutsia mutsyo, navutswa si nda heridza ive mba, navutswa nda ku gondokera nelikalaga, kandi si nda ku leka bugira kukuha mageli kali hakuzu.

Lisyoma lya Jeremia 3:31

Kigira Yahova si a la ta mihiga nemihiga.

Lisyoma lya Jeremia 3:32

Kigira kali na a vereridza, naye kandi a la vera kuli ubunene bwetsimbabasi tsitsye.

Ezekieli 19:12

Navutswa muzabibu gwifwa mu butima, gwa tuulwa hasi, nembuudza yevugwi yominya makuyu gagwo: nevisala vyagwo vyetsingulu vya vunika, na vyuma; nomuliru gwa vi samba.

Hosea 13:15

Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi.

Hosea 4:1

Mu hulire likuva lya Yahova, mwinye avana va Israeli; kigira Yahova a veye nelihing'ana ku vamenyanga mkivala yikyo, kigira si ha veye na geligali, kinga tsimbabasi, kinga limanya Nyasaye mu kivala.

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

1 Petro 1:6

Mu sangala ligali mu makuva yaga, kali ni i veye inyinga inkekeke kalunu, niva ni ga mu dukira, mu vereridzangwa mu ligeridzwa tsing'ano tsinyingi,