Isaya 27:6 - KITABU KITAKATIFU

⁶ Mu madiku gadzanga Yakobo a likidza imiri; na Israeli a la lavidza kimuli nokusibuka: na va lizulitsa mmoni mwelirova makuyu.

Isaya 27:6 ပူးပေါင်းရင်းမြစ်များ

Ayubu 37:12

Li girunkannyangwa yiyi na yiyi nelyemirira lilye, Ga duke kukola gosi aga ya laga Ku mmoni mwelirova li veye navandu.

Isaya 35:1

Ligendanyama nekivala kyumu vi la sangala; nekyangalangwi ki la sangala, na ki la lavidza ubulavidzu kuli kimuli.

Isaya 35:2

Ki la lavidza ubulavidzu bunyingi, ki la sangala kuduka litsantsalika nokwimba; ki la hebwa ubukumi bwa Lebanon, ubulahi bwa Karimeli na Sharon: va la lola ubukumi bwa Yahova, ubunene bwa Nyasaye wetu.

Isaya 37:31

Na va tigala ava hona venyumba ya Yuda va likidza tsimiri hasi, nokwama ma kuyu.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Isaya 60:22

Mukekeke a la gwa elfu, na mulala mukekeke a la va ihiri yetsingulu: Inze, Yahova, nda kola bwangu inkuva yiyi ku inyinga yayo.

Jeremia 30:19

Kandi kuvo lisantidzwa li la hulirwa, na mwoyo gwa yavo ava sangalanga: na nda va meda, na si va la va avakekeke rnba; kandi nda va kuminya, navo si va la va avake mba.

Ezekieli 36:10

na nda meda avandu ku mwinye, inyumba yosi ya Israeli, yee yosi halala; na madala ga la menywa navandu, na ha li vyanyi mu lombaka kandi;

Ezekieli 36:8

Navutswa mwinye, O vigulu vya Israeli, mu la sibuka tsisya tsyenyu, nokuha avandu vange Israeli amakuyu genyu; kigira va veye himbi kuudza.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Vagalatia 3:29

Ni mu veye ava Kristo, hene yaho mu veye visukululwi vya Abrahamu, avemiyandu gyelisuuviridzwa.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.