Isaya 27:3 - KITABU KITAKATIFU

³ Inze Yahova mbeye mulindi wagwo; nda gu sama amadzi tsinyinga tsyosi: gase mundu a la gwononnya, nda gu linda budiku nombasu.

Isaya 27:3 ပူးပေါင်းရင်းမြစ်များ

Litanga 6:17

Kandi inze, henza, inze ndesanga amadzi manene ku lirova kudividza vyemibiri vyosi vi veye nomwika gwelivamwoyo muvyo vi twule isi weligulu; vyosi vi veye ku lirova vi la kudza.

Litanga 9:9

Ninze, henza, nsingeridzanga lilagana lyange na mwinye, noku visukululwi vyenyu inyima wenyu;

1 Avami 8:59

Amakuva gange yaga aga mbombi imbiri wa Yahova, ga ve ahimbi na Yahova Nyasaye wetu mbasu nobudiku, a duke kuvera ubulungi bwomutu mekiri wewe, nobulungi bwavandu veve Israeli, kuli lyenya lyelidiku sa lilala li veye;

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:5

Nyasaye a veye hagati halyo; si li la dengeya mba: Nyasaye a la li konya, a la li konya ligali mabwebwe.

Isaya 31:5

Kuli manyonyi ga bulukanga, ni ndiyo Yahova wa mahe a la linda Yerusalemi; a la li linda nokuliho nnya, a la vita kulyo nokulisola.

Isaya 42:6

Inze, Yahova, nku langi mbulungi, nda ku gumira mukono, nokukulinda, nda ku haana u ve lilagana lyava ndu, nokuva ubulavu bwa Vetsihiri:

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 46:4

kali kuduka busakulu bwenyu inze niye, kali kuduka inyinga ye tsimbudzi nda mu ginga: inze nda lomba, na nda ginga; yee, nda vugula mwinye, nokumuhonnya.

Isaya 46:9

Mwidzulitie vindu vya ma tsyambiri: kigira inze mbeye Nyasaye, si ha veye nowundi; inze mbeye Nyasaye, si ha veye nowundi u veye kuli inze;

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 5:6

nda ki kola hatswa; ki la vula kusemberwa, kinga kulimwa; navutswa ki la mera amafwa nolutavati: kandi nda laga malesi ga vuli kukupidza imbula kukyo.

Isaya 58:11

na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

Isaya 60:16

U la nuna amaveere gavetsihiri, na u la nuna tsimbeere tsyavami; na u la manya inze, Yahova, mbeye Muhonnyi wowo, Mutungiri wowo, Wanyala Vyosi wa Yakobo.

Ezekieli 34:11

Kigira Mwami Nyasaye a vola ndi: Henza, inze mwene, yee, inze, ndenya magondi gange, nokuganyola.

Ezekieli 34:24

Na inze, Yahova, nda va Nyasaye wago, na mutumekiri wange Daudi a la va munene hagati hago; inze, Yahova, mmali kuvola likuva yili.

Ezekieli 37:14

Na nda vika Roho wange mu mwinye, na mu la va mwoyo, na nda mu vika mu kivala kyenyu avene: na mu la manya, inze, Yahova mmali kuvola yaga, nokugakola, Yahova a vola.

Ezekieli 37:28

Na tsihiri tsi la manya inze mbeye Yahova u takasanga Israeli, lwa hatakatifu hange ha la va hagati havo mihiga nemihiga.

1 Samweli 2:9

Uyu a la linda virenge vyavatakatifu veve; Navutswa avadamano va la kiring'anywa mu kisundi; Kigira si ha veye nomundu u nyala kuguuta netsingulu tsitsye.