Isaya 27:13 - KITABU KITAKATIFU

¹³ Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 27:13 ပူးပေါင်းရင်းမြစ်များ

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

1 Kyetsinyinga 15:24

Na Shebania, na Joshafatu, na Nethaneli, na Amasai, na Zekaria, na Benaia, na Eliezeru, avasalisi, va kupa visiliva imbiri welisanduku lya Nyasaye: na e Obededom na Jehia va li avalindi va muliango gwokwingira ha lisanduku.

Zaburi 47:5

Nyasaye yanegiye nesango, Na Yahova nomwoyo gwekisiliva.

Zaburi 81:3

Mu kupe kisiliva inyinga yomweli muhya, Mu inyinga yomweli gu kyera, ku lidiku lyelilia lyetu.

Zaburi 89:15

Avandu ava manya isango va veye nobugasu: O Yahova, va gendanga mu bulavu bwommoni mumwo.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 18:3

Mwinye vosi avamenyi mu lirova, na mwinye avamenyi ku kivala lwa ibendera i sungwa igulu ku viguiu, mu lole; na lwa kisiliva ki kupwa, mu hulire.

Isaya 19:21

Na Yahova a la manyekana ku Egepeti, na Avaegepeti va la manya Yahova mu lidiku yilyo; yee, va la sigamira nokuhaana vihaanwa nevindu, na va la kola lilagana na Yahova, nokulikola.

Isaya 19:22

Na Yahova a la kuya Egepeti, kukuya nokuhonnya; navo va lirana ku Yahova, naye a la bugirira lisaala lyavo, nokuvahonnya.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 25:6

Kandi mu kigulu yiki Yahova wa mahe a la lombera avandu vosi lilia lyevinolu, lilia lyewaini halala na maseke gayo, lilia lyevinolu vizula buhali, lilia lyewaini ku maseke ya lombwa bulahi,

Isaya 43:6

nda volera kasikasini, Haana; na kusini, U tigalira mba; leta avayai vange kutwula ihale, navakana vange kutwula ku kiheri kyelirova;

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Isaya 66:18

Kigira manya miyinzi gyavo, netsiganagani tsyavo: inyinga yidzanga, ya nda vungidza halala tsihiri tsyosi, netsinimi tsyosi; navo va ladza, va la lola ubukumi bwange.

Isaya 66:23

Na ga la duka, kutwula mweli muhya mulala, kuduka ku gundi, nokutwula ku lisabato lilala kuduka ku lindi, avemibiri vosi va ladza kusigamira imbiri wange, Yahova a vola.

Jeremia 31:6

Kigira li la va ho lidiku lilala, mu lidiku yilyo mulindi u veye mu tugulu twa Efiraim a la kupa lwanga, a la Dola, Mu vuke, ku tsie kwanegire Zioni ku Yahova Nyasaye wetu.

Jeremia 43:7

Na vingira mu kivala kya Egepeti; kigira si va hulira mwoyo gwa Yahova: navo va duka Tahapenesi.

Jeremia 44:28

Na yavo ava li hona ku kivavi va lirana kutwula mu kivala kya Egepeti, vingire mu kivala kya Yuda, va la va avakekeke ligali mu livalidzwa lyavo; na yavo ava tigala va Yuda vosi avingira mu kivala kya Egepeti kumenya yo avageni, va la manya nelikuva ki li la singira, likuva lyange, naho likuva lyavo.

Ezekieli 20:34

Nda mu twulidza mu avandu, nokumuvungidza mu twule mu vivala vya mwa salannywa mu, nomukono gwobunyali, nomu kono gwa nyirwa nobutima bwa tsukwa;

Ezekieli 20:41

Irze nda bugirira mwinye kuli umuhomo gu yanzidzanga, lwa ntwu lidza mwinye mu vandu, nokumu vungidza mu twule mu vivala vya mwa salannywa mu: na nda takaswa mu mwinye imbiri wetsimoni tsyetsihiri.

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Hosea 11:11

Va ladza ni va degera kuli linyonyi li twula Egepeti, na kuli likuulu li twula mu kivala kya Asuria; na nda vikalidza mu tsinyumba tsyavo Yahova a vola.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Hosea 9:3

Si va la menya mu kivala kya Yahova; navutswa Efiraim a lirana Egepeti, na va la lagira ubukima bu ta li bulahi ha Asuria.

Kyavalevi 25:9

Na u la tuma kisiliva kyomwoyo munene tsimbega tsyosi ku lidiku lyelikumi lyomweli gwegyitano na gyiviri; mu lidiku lyokukunika ubwoni mu tuma kisiliva mu kivala kyenyu kyosi.

Mika 7:14

U lihidze avandu vovo nempimbo yoyo, kyayo kyemiyandu gyigyo, yavo ava menyanga veng'ine, mu mulitu gu veye hagati ha Karimeli: vaye mu Bashan na Gileadi, kuli vaya mu madiku ga kale.

Zekaria 14:16

Kandi ga la duka, sa mulala u tigala wetsihiri tsyosi tsya duka kulwana ne Yerusalemi a lanegira muhiga nomuhiga kusigamira Mwami, Y ahova wa mahe, nokulomba lilia lyamadiri.

Zekaria 8:7

Yahova wa mahe a vola: Henza, nda honnya avandu vange va twule mu kivala kyoluvega lwevugwe, na kivala kyoluvega lwe madioli;

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 24:31

A la tuma tsingelosi veve nomwoyo munene gwekisiliva, navo va la vu gannya avatovoleywi veve va twule ku tsimbuudza tsine, kandi va twule ku kiheri kilala kandi kuduka ku kiheri kindi kyegulu.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Varumi 10:18

Navutswa nteva, Si va hulira? Yee, ligali, Lwanga lwavo lwa twula nokuduka mu lirova lyosi, Kandi amakuva gavo ga duka ku tsindulu tsyelirova.

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Likunula 10:7

navutswa mu madiku gomwoyo gwengelosi wa katano na kaviri lwa yenya kukupa, vyaviswa vya Nyasaye vi la malilika, kuli lilwadza lilahi lilye lya yilwadzira avatugwa veve avaprofeti.

Likunula 8:2

Kandi nda lola tsingelosi vatano na vaviri ava singiranga imbiri wentebe ya Nyasaye; na va hebwa visiliva vitano na viviri.

Likunula 8:6

Kandi tsingelosi vatano na vaviri ava li nevisiliva vitano na viviri vetegeka va kupe visiliva.

Likunula 9:14

mulala a volera ingelosi wa katano na mulala wa li nekisiliva zana, U boholole tsingelosi vane ava bofwa ha mugera munene Farati.