Isaya 27:12 - KITABU KITAKATIFU

¹² Na ga la va mu lidiku yilyo, Yahova a la hula amakuyu galyo kutwula ku kisenukiru kyo Mugera kuduka ku mugera gwa Egepeti; na mu la vungidzwa sa mulala, O mwinye avana va Israeli.

Isaya 27:12 ပူးပေါင်းရင်းမြစ်များ

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

1 Avami 8:65

Ma Solomoni ya lomba lilia inyinga yeyo, na Israeli vosi halala naye, livugana linene, kutwula hokwingira ha Hamathu kuduka ku mugera gwa Egepeti, imbiri wa Yahova Nyasaye wetu, madiku gatano na gaviri, na madiku gatano na gaviri, ga veye madiku likumi na gane.

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Zaburi 68:22

Mwami a vola, Nda va twulidza mu Bashan, Nda va leta kandi kutwula mu luliva lwenyanza;

Zaburi 72:8

A lameha kutwula ku inyanza yiyi nokuduka ku yiyi Kandi kutwula ku Mugera kuduka ku kiheri kyelirova.

Isaya 17:6

Halala na yaga vyang'alika vi la tigala mu, kuli lisung'usa mizeituni, tsinzoli tsi viri, kinga tsivaka ku isonga yolusya igulu ligali, tsinzoli tsine kinga tsitano ku tsisya tsyekyova tsyomusala gwa manga ligali Yahova, Nyasaye wa Israeli a voia.

Isaya 49:5

Na kalunu Yahova wa nomba mmunda nduke kuva mutumekiri wewe, kuleta Yakobo yirane kuye kandi, na kandi Israeli a vungidzwe kuye (kigira mbeye nelidzominywa imbiri wetsimoni tsya Yahova, na Nyasaye wange u gwiye tsingulu tsyange);

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Jeremia 3:14

Mwirane mwinye avana, avirani inyima, Yahova a vola; kigira mbeye musatsa wenyu: na nda vugula mulala welidala, na vaviri ku bwiko bulala, na nda leta mwinye Zioni.

Jeremia 44:28

Na yavo ava li hona ku kivavi va lirana kutwula mu kivala kya Egepeti, vingire mu kivala kya Yuda, va la va avakekeke ligali mu livalidzwa lyavo; na yavo ava tigala va Yuda vosi avingira mu kivala kya Egepeti kumenya yo avageni, va la manya nelikuva ki li la singira, likuva lyange, naho likuva lyavo.

Ezekieli 20:34

Nda mu twulidza mu avandu, nokumuvungidza mu twule mu vivala vya mwa salannywa mu, nomukono gwobunyali, nomu kono gwa nyirwa nobutima bwa tsukwa;

Ezekieli 20:41

Irze nda bugirira mwinye kuli umuhomo gu yanzidzanga, lwa ntwu lidza mwinye mu vandu, nokumu vungidza mu twule mu vivala vya mwa salannywa mu: na nda takaswa mu mwinye imbiri wetsimoni tsyetsihiri.

Ezekieli 39:25

Kigira yaga Mwami Nyasaye a vola: Kalunu ndirannya kandi lyadikidzwa lya Yakobo, nokuvererera inyumba yosi ya Israeli; na nda kendekira lieta lyange litakatifu.

Ezekieli 47:19

No luvega lwa kusini kuhenza kusini lu la va kutwula Tamaru kuduka ku madzi ga Meribokadesh, kuduka ku mugera gwa Egepeti, kuduka ku inya nza inene. Yilu lu veye luvega lwa kusini kuhenza kusini.

Amosi 9:9

Kigira, henza, nda laga, na nda sesa inyumba ya Israeli hagati hetsihiri tsyosi, kuli ubusuage bu sesangwa mu luderu, navutswa inzoli indala i la vula kugwa hasi.

Zekaria 8:7

Yahova wa mahe a vola: Henza, nda honnya avandu vange va twule mu kivala kyoluvega lwevugwe, na kivala kyoluvega lwe madioli;

Luka 15:4

Ibwaha ku mwinye wama gondi mia, neligondi lilala kugo ni li gota, si a leka amakumi gatanu na gane namagondi gatanu na gane mwigendanyama, a tsie kwenya li goti, a luhe a duke kulinyola?

Yohana 10:16

Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Joshua 15:4

nokuvita Azimon, nokutwula ku mugera gwa Egepeti; na kiheri kyolwako zana kwa li ku inyanza: yilu nilwo lwako lwenyu lwa kusini.