Isaya 27:1 - KITABU KITAKATIFU

¹ Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 27:1 ပူးပေါင်းရင်းမြစ်များ

Ayubu 26:13

Ya syahira ligulu na Roho wewe; Na mukono gwigwe gu tumiti inzoka yetsimbiru.

Ayubu 3:8

Ava laama amadiku va li laame, Avetegeki kuvukidza leviathani.

Ayubu 40:19

I veye munene wetsinzira tsya Nyasaye: Wa gi lomba uyu veng'ine u nyala kwisunda kuyo nekivavi kikye.

Ayubu 41:1

U nyala kulimbika leviathan noluyali? Kinga kwigalira lulimi lwayo nomugoye?

Zaburi 104:26

Amato ga gendanga yo; Kandi leviathan i veye yo, ya wa lomba kukina muyo.

Zaburi 45:3

Webohe kivavi kikyo ku kikenge kikyo, O ive wetsingulu, Na ubukumi bubwo na ubunene bubwo.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 51:9

Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

Isaya 65:12

nda mu validza mu ve avekivavi, na mwosi mu la sigamira liitwa; kigira lwa nda langa, si mwa bugira; lwa nda vola, si mwa hulira; navutswa mwa kola agobudamano imbiri wetsi moni tsyange, nokutovola ga inze nta yanza.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 66:16

Kigira Yahova a la leta likalagirwa ku ave mibiri vosi, ku muliru, noku kivavi kikye; na yavo ava Yahova a liita va la va avanyingi.

Jeremia 47:6

O ive kivavi kya Yahova, u la va na madiku ganga u luhe u sose? Wevike ive mwene mu Iwula: u sose, wehodzeridze.

Jeremia 51:13

O ive u menyanga ku madzi manyingi wobunyingi bwelivikiru lya akiba kiheri kikyo ki duka, kigero kyeli kayirwa lilyo.

Jeremia 51:34

Uyu Nebukadirezaru mwami wa Babuloni u mali kulia inze, nokunshonolonnya, u nkoli kiju kyere, u mali kummira kuli limira lyoguyoka, wizulitse inda yeye vindu vyange vinolu; u nteye kyova.

Ezekieli 29:3

moloma, u vole, Mwami Nyasaye a vola ndi Henza, mbeye musigu ku ive, Ive Farao mwami wa Egepeti, guyoka gunene ogu gonekanga hagati hemigera gyigye, wa vola, Mugera gwange gu veye gwange inze mwene, nda gu lomba kigira inze mwene.

Amosi 9:3

Kali ni vivisa ku isonga ya Karimeli, nda venya kuvatwulidza yo; kali ni vivisa hasi mu inyanza kutwula mu tsimoni tsyange, nda laga yo inzoka, nayo i la va luma.

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

Likunula 13:11

Kandi nda lola inyama yindi yanegira kutwula mu lirova; kandi ya li netsinziga tsiviri kuli mwana weligondi, kandi ya vola nomunwa gwoguyoka.

Likunula 13:4

ni va sigamira guyoka, kigira gwa ha inyama lihaana munwa lyayo; kandi va sigamira inyama, ni va vola, Ibwaha u leng'ana noyu inyama? Kandi ibwaha u nyala kulwana naye?

Likunula 16:13

Kandi nda lola gya twula mu munwa gwoguyoka, nomu munwa gwa uyu inyama, nomu munwa gwomuprofeti wobubehi, roho gyivaka midamano, kuli amakere:

Likunula 17:1

Mulala ku tsingelosi vatano na vaviri ava li nevituva vitano na viviri, yadza na a volerana na inze, na a vola, Hamba yinu, nda ku mannya likalagirwa lyowamalaya manene wikaye ku madzi manyingi;

Likunula 17:15

Kandi ya mbolera, Amadzi aga wa lola, howamalaya yikala, ga veye avandu, neviduma, netsihiri, netsinimi.

Likunula 19:21

navatigaye viitwa nekivavi kya uyu wikaye ku iparasi, nakyo kya twula mu munwa gwigwe: namanyonyi gosi giguta tsinyama tsyavo.

Likunula 2:16

Kunangwa weganire, kinga nu u va nu u teganira nda duka ku ive bwangu, nokukola lihe kuvo nekivavi kyomunwa gwange.

Likunula 20:2

Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,