Isaya 26:20 - KITABU KITAKATIFU

²⁰ Hambi, mwinye avandu vange, wingire mu tsinyumba tsitsyo, u hane miliango gyigyo ku ive: wivise inyinga inkekeke, kuduka lwa kivi ki viti.

Isaya 26:20 ပူးပေါင်းရင်းမြစ်များ

Litanga 7:1

Kandi Yahova ya volera Nuhu, Hamba, wingire mu liatu, ive navenyumba yoyo vosi; kigira ndoli ive u veye mulungi imbiri wange mu likula yili.

Litanga 7:16

Kandi yitsyo tsingira, tsingira isatsa na inkali ku tsinyama tsyosi, kuli Nyasaye ya mu laga: na Yahova ya mu hanira.

Ayubu 14:13

Nkano u mbisi mu Mung'ani, U nindi makiriri, kuduka lwobutima bubwo bu vita, U la ng'odera iny lga ya lagwa, nokunzidzulitsa

Zaburi 143:9

U mbonnye ku avasigu vange, O Yahova: Nziruka ku ive u mbise.

Zaburi 17:8

U ninde kuli indolero yemoni; U mbise isi wekiriri kyetsimbaha tsitsyo,

Zaburi 27:5

Kigira mu lidiku lyekivi, a la ninda makiriri mu lihema lilye: Mu king'odze kyelihema lilye a la nkinga; A la nsingeridza ku lwanda.

Zaburi 30:5

Kigira ubutima bwibwe bu veye bwedagika indala vutswa Tsimbabasi tsitsye tsi veye tsyamadiku gosi gelivamwoyo; Namusia lilira li la va ho ubudiku Navutswa mugamba ubusangali bulavaho.

Zaburi 31:20

U la va visa mu livisiru lilyo ku ligenderera lyavandu: U la va visa makiriri mu lihema ku lihangalana lyetsinimi.

Zaburi 32:7

Ive u veye impinga yange; u la ninda inyinga yekivi; U la nkumbiridza netsinyimbu tsyobuhonywi. [Selaha

Zaburi 57:1

U mbere tsimbabasi, O Nyasaye, u mbere tsimbabasi; Kigira mwoyo gwange gwivisa mu ive: Yee, mu kiriri kyetsimbaha tsitsyo ndivisa, Kuduka kivi yiki ki heri.

Zaburi 57:2

Ndanira Nyasaye Weiguhl Ligali, Ku Nyasaye u ndukidziranga vyosi.

Zaburi 91:1

Uyu u menyanga mu likingwa lya Weigulu Ligali A la menya mu kiriri kya Wanyala Vyosi.

Zaburi 91:4

A la ku kunike namabaha gege, Kandi u la honera mu tsimbaha tsitsye: Ageligali gege ga veye ingavo na ikuti.

Zaburi 94:13

Ive u duke kumusosidza mu madiku gekivi Kuduka inyinga yo bogo bu yavirwa avadamano.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Tsing'ano 22:3

Mundu weliva lyobugeeri a lolanga ubudamano, na yivisa; Navutswa ava ta li nelimanya va vitanga, na va salira mubwo.

Isaya 10:25

Kigira ikikiri inyinga inkekeke ubutima bwange ku ive bu la heridzwa, nelivihirirwa lyange li la duka ku lidividzwa lilye.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 13:5

Va twula mu kivala kyehale, kutwula ku i kiheri kyegulu a veye Yahova, nevyuma vyobutima bwibwe, kudividza kivala kyosi.

Isaya 34:2

Kigira Yahova a veye nobutima ku tsihiri tsyosi, nelivihirirwa ku amahe gavo gosi: u va dividzi ligali, u va viki mu liitwa.

Isaya 51:16

Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

Isaya 51:4

Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Jeremia 31:14

Na ndigutidza myoyo gyavasalisi nevinolu, navandu vange va liguta ku bulahi bwange, Yahova a vola.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Ezekieli 11:16

Kigira yaga ive u vole, Mwami Nyasaye a vola ndi: Kali ni nda va twulidza ihale mu tsihiri, na kali ni nda va salannya mu vivala vindi, navutswa kandi nda va kuvo, hatakatifu inyinga inkekeke mu vivala vya va duka mu.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana

Matayo 6:6

Navutswa ive, nu wenya kusaala, wingire munyumba yoyo, nu u mali kuhana kiliango, u saale Dada wowo u vula kulolwa, na Dada wowo a lola mbuvisi a la ku ha madanyi.

2 Vakorintho 4:17

Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga;