Isaya 26:2 - KITABU KITAKATIFU

² Mwigule viribwa, ihiri yobulungi i lindanga geligali i duke kwingira.

Isaya 26:2 ပူးပေါင်းရင်းမြစ်များ

Zaburi 106:5

Nduke kulola ubulahi bwavatovole vovo Nduke kusangala nobuyanzi bwehiri yoyo, Nokwidzominya halala nemiya ndu gyigyo.

Zaburi 118:19

U nzigulire viribwa vyobulungi: Na ndingira mu, nda santidza Yahova.

Zaburi 118:20

Yiki ni kiribwa kya Yahova; Avalungi va lingira mukvo.

Zaburi 24:7

Mu digulule mitwe gyenyu, mwinye viribwa; Mu digululwe mwinye, viliango vyemihiga nemihiga: Na Mwami wobukumi a lingira.

Kutwula 19:6

na mwinye mu la va ku inze ubwami bwavasalisi, kandi ihiri intakatifu. Yaga namakuva ga u li volera avana va Israeli.

Isaya 45:25

Mu Yahova visukululwi vyosi vya Israeli va la hebwa ubulungi, na va la mkuminya.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Isaya 54:17

Si ha veye nekiju kya lombwa kuhing'ana nive ki li gasidzwa; noku tsinimi tsyos; lu li vuka ku ive mu likalaga ive u la lu kalagira lu ve lwa mahyolo. Yigyi ni miyandu gya yavo avatumekiri va Yahova, nobulungi bwavo bu twulanga ku inze, Yahova a vola.

Isaya 58:8

Hene yaho ubulavu bubwo bu la kya kuli mugamba, na lihonywa lilyo li la sebuka bwangu: nobulungi bubwo bu limirira imbiri wowo; nobukumi bwa Yahova bu la ku londa.

Isaya 60:11

Viribwa vivyo vi ligulwa madiku gosi; si vi la hanwa mbasu kinga budiku avandu va duka kukuletera ubutugi bwa vetsihiri, na avami vavo va limi rirwa va li avahambe.

Isaya 60:18

Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 62:1

Kigira liva lya Zioni si nda v girunkana mba, na kigira liva lya Yerusalemi si nda sosa mba, kuduka ubulungi bwalyo bu lang'aminywe kuli ubung'ereng'anu, nobuhonnyi bwalyo kuli itaya yaakanga.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 62:2

Na tsihiri tsi la lola ubulungi bubwo, navami vosi va la lola ubukumi bubwo: na u la gulikwa lieta lihya, lyomunwa gwa Yahova gu li gulika.

Zekaria 8:20

Yahova wa mahe a vola: madiku ga la duka, avandu va ladza na vamenyanga mu madala manyi ngi;

Vikolwa 2:47

vidzominya Nyasaye, ni va yanzeka ku vandu vosi. Kandi Mwami ya va dasira madiku na madiku ava li ni va honnywa.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

2 Petro 3:13

Navutswa, kuli lisuuviridza lilye ku lindirira ligulu lihya nelirova lihya lyobulungi bu menyanga mu.

Yudasi 1:3

Avayanze, lwa nda kola ubugulu bwosi kumung'odera amakuva gobuhonnyi bwa ku sangi, nda nigwa kumung'odera kumutsuva mu lwanire budinyu lisuuvira lya vatakatifu va hebwa lulala.

Likunula 21:24

Kandi tsihiri tsi la genda mu bulavu bwalyo: navami velirova va leta ubukwni bwavo mulyo.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,