Isaya 26:15 - KITABU KITAKATIFU

¹⁵ Ive wa meda ihiri, O Yahova, wa meda ihiri; ive u kuminywa; wa nenehidza tsinzako tsyosi tsyekivala.

Isaya 26:15 ပူးပေါင်းရင်းမြစ်များ

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 13:16

Kandi nda kola kisukululwi kikyo kuva kuli lugukyi lwelirova: Luduka ni i va mundu a nyala kuvalidza lugukyi lwelirova, na ndiyo kisukululwi kikyo ki nyala kuvalidzwa.

1 Avami 8:46

Ni iva yavo va ku kolera ubwoni, (kigira si ha veye nomundu wa vula kukola ubwoni), na ive u va vihirirwa, nokuvavika ku vasigu, ni va va lanya, nokutsia navo mu kivala kyavasigu yavo, kivala kye ihale kinga kya ahimbi;

2 Avami 17:23

kuduka Yahova ya twulidza Israeli imbiri wewe, kuli ya vola neminwa gyavatumekiri veve vosi vaprofeti. Ma Israeli va hambwa vahambe kutwula mu kivala kyavo kutsia mkivala kya Asuria, kuduka lero.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

2 Avami 23:27

Yahova ya vola Nda twulidza Yuda kandi a twule imbiri wetsimoni tsyange, kuli nda twulidza Israeli, na nda ta lidala yili lya nda tovola, Yerusalemi, nenyumba ya nda vola makuva gayo, Lieta lyange li la va ho.

Nehemia 9:23

Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

Ayubu 12:23

A medanga tsihiri, kandi a tsi dividza: A lagalaridzanga tsihiri, kandi a tsi hila mbuhambe.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 33:17

Tsimoni tsitsyo tsi la lola umwami mu bulahi bwibwe: tsi la lola kivala kyobugalamu bwakyo bwa duka ihale.

Isaya 40:5

nobukumi bwa Yahova bu la lang'aminywa, na vomubiri vosi halala va la bu lola: kigira munwa gwa Yahova gwa vola yaga.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 6:12

na Yahova a va hile ihale ligali, na ha lekwa vutswa ha la va hanyingi mu kivala.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 9:3

Ive u medi tsihiri u medi ubusangali bwavo: va sangala imbiri wowo kuli lisangala lyeligesa, kuli lisangala lyavasatsa mu ligavula vilanye.

Jeremia 30:19

Kandi kuvo lisantidzwa li la hulirwa, na mwoyo gwa yavo ava sangalanga: na nda va meda, na si va la va avakekeke rnba; kandi nda va kuminya, navo si va la va avake mba.

Jeremia 32:37

Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

Ezekieli 36:24

Kigira nda vugula mwinye hagati hetsihiri, na nda mu vungidza kutwula mu vivala vyosi, na nda mu leta mu kivala kyenyu avene.

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Livalidza 23:10

Ni bwaha u nyala kuvalidza ulugukyi lwa Yakobo? Kinga ni bwaha u nyala kuvalidza kidieli kya kane kya Israeli? Inze, mwoyo gwange nkudze likudza lyomulungi, Na kiheri kyange ki ve kuli kiheri kikye.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Yohana 15:8

Ku yikyo Dada wange a kuminyangwa, mwame makuyu manyingi; na mwinye mu la va avegidzwi vange.

Yohana 17:1

Yesu ya vola yaga, na a digulukidza tsimoni tsitsye igulu, na a vola, Dada, isaa i mali kuduka u kuminye Mwana wowo, Mwana a duke kukuminya ive:

Kwidzulitsa 10:22

Avaguga venyu va sulunguta Egepeti avandu makumi gatano na gaviri; na kalunu Yahova Nyasaye wowo u ku koli kuli tsing'ereng'ani tsyomigulu, kiduma kinene.

Kwidzulitsa 28:25

Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

Kwidzulitsa 28:64

Na Yahova a la mu salanya hagati he tsihiri tsyosi, kutwula ku luvega yilu lwelirova kuduka ku luvega yilu lwelirova; na u la tumekira avanya saye vandi ha zana, ava u ta manya, ive kinga avaguga vovo, navo va veye misala namagina.