Isaya 26:12 - KITABU KITAKATIFU

¹² Yahova, ive u la laga mirembe ku kwinye; kigira ni ive wa ku kolera miyinzi gyetu gyosi.

Isaya 26:12 ပူးပေါင်းရင်းမြစ်များ

Zaburi 29:11

Yahova a la ha avandu veve tsingulu; Yahova a la gasidza avandu veve nemirembe.

Zaburi 57:2

Ndanira Nyasaye Weiguhl Ligali, Ku Nyasaye u ndukidziranga vyosi.

Zaburi 57:3

A la tuma kutwula migulu, kunkonya, Lwa uyu wenya kummira a ng'ondokira; [Selaha Nyasaye a la tuma tsimbabasi tsyobuyanzi bwibwe nageligali gege.

Zaburi 68:28

Nyasaye wowo u lagi tsingulu tsitsyo: O Nyasaye, u dinyeridze aga u ku koleye.

Zaburi 90:17

Na ubulahi bwo Mwami Nyasaye wetu bu ve ku kwinye; Na u singeridze miyinzi gyamakono getu ku kwinye; Yee, miyinzi gyamakono getu u gyi singeridze.

Isaya 26:3

Ive u la mu linda a ve mu mirembe midukiru, wetsiganagani tsitsye tsya dinyeridzwa ku ive; kigira a suuviranga ku ive.

Isaya 27:5

Kinga a gumire tsingulu tsyange, a hambane ninze mmirembe; yee, a hambane ninze mmirembe.

Isaya 29:23

Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.

Isaya 32:18

Navandu vange va la menya mu bumenyo bwemirembe, na homugidzi gwaliga, nomu lyelemeridza ha ta li nekivihiri

Isaya 57:10

Wa luha kigira butambi bwenzira yoyo; navutswa wa vula kuvola, ga veye ga vutswa; wa nyola livukidzwa lyetsingulu tsitsyo; kigira yaga wa vula kukudza mwoyo.

Isaya 57:19

Inze mbeye mulombi wa makuyu geminwa: Mirembe, mirembe, ku uyu u veye ihale noku uyu u veye ahimbi, Yahova a vola; nda mu honnya.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Ezekieli 20:14

Navutswa nda kola kigira lieta lyange, li vule kwono nnywa imbiri wetsimoni tsyetsihiri, tsya lola ni mba letanga.

Ezekieli 20:22

Navutswa nda twulidza mukono gwange, na nda kola kigira lieta lyange, li vule kwononnywa imbiri wetsimoni tsyetsihiri, tsya lola ni mba letanga.

Ezekieli 20:9

Navutswa nda kola kigira lieta lyange, li vule kwononnywa imbiri wetsimoni tsyetsihiri, ava va li hagati havo, ava ndelang'aminya imbiri wetsimoni tsyavo, mu livatwulidza mu kivala kya Egepeti.

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Livalidza 6:26

Yahova a ku gingire mumoni mwimwe, nokukuha mirembe.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Kwidzulitsa 30:6

Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,