Isaya 26:10 - KITABU KITAKATIFU

¹⁰ Mudamano kali na a kolerwa tsimbabasi si a lyega ubulungi mba; mu kivaia kyobulungi uyu u la kola ubukyamu, na si a la lola ubukumi bwa Yahova.

Isaya 26:10 ပူးပေါင်းရင်းမြစ်များ

2 Avami 13:6

Navutswa va vula kwavukana nobwoni bwenyumba ya Jeroboam, bwa ya gotidzira ku Israeli, navutswa va genda mubwo: kandi misala gyemisambwa gya tigala mu Samaria.)

Zaburi 106:43

Hali kanyingi ya va honnya; Navutswa vali nobwebaali mu livola lyavo, Na va gehidzirwa ligali mu mahyolo gavo.

Zaburi 143:10

U nzegidze kukola ubulaliri bubwo; Kigira ive u veye Nyasaye wange: Roho wowo a veye mulahi; U nzimirire kuduka mu kivala kyobulungi

Zaburi 69:27

Ku ubukyamu bwavo u mede ku ubukyamu; Va vule kwingira mu bulungi bubwo.

Kutwula 8:15

Navutswa Farao, lwa ya lola ha veye nobwiyangu bwokusosa, ya dinnya mwoyo gwigwe, na a vula kuvahulira; kuli Yahova ya vola.

Kutwula 9:30

Navutswa ive na avatumekiri vovo, mmanya si mu li tia Yahova Nyasaye.

Kutwula 9:34

Na Farao lwa ya lola imbula yamagina na lihirigana vi heri, ya kira kukola ubwoni, nokudinnya mwoyo gwigwe, mwene na avatumekiri veve.

Tsing'ano 1:32

Kigira lirana inyima lyavasiru li la viita, Na ligadahala lyavasiru li la va dividza.

Kohelethu 3:16

Kandi halala na yaga nda lola isi weliuva, ha likalaga, ubudamano bwa li ho; kandi ha bulungi, ubukyamu bwa li ho.

Kohelethu 8:11

Kigira likalaga likalagangwa ku likola lidamano si li kolangwa bwangu mba, kigira yaga myoyo gya avana vavandu gyi nyo langa tsingulu muvo kukola buda mano.

Isaya 1:21

Ga li ndi lidala lisuuvirifu li gwiye liheyi lya li nelizuye likalaga lyobulungi ubulungi bwa li ni bu gonanga mulyo, navutswa kalunu avalumindi.

Isaya 2:10

Ingira mu lwanda, wevise mu lugukyi, ku litihidza lya Yahova, noku ubukumi bwobwami bwibwe.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 32:6

Kigira musiru a la vola agobusiru, nomwoyo gwigwe gu la kola vidamano, nokutumekira kirage, nokuvola bukyamu ku Yahova, kukola mwoyo gwa uyu u veye nenzala kuva vutswa, nokukola kyokunwa kya uyu u veye nobuluhu kukama.

Isaya 32:7

Viju vya uyu mwimani vi veye vidamano: a saaviranga lisaavira lida mano a duke kudividza avahokya namakuva gobubehi, kali lwa avadambi va volanga agobulungi.

Isaya 5:12

Nobukana, nolu kugi, nekindu ku lugano lwesuguti, nelilere, newaini, vi veye mu lilia lyavo; navutswa si va ganagana likola lya Yahova, kandi si va ganagananga miyinzi gyamakono gege.

Jeremia 2:7

Na nda mu vika mu kivala kyevyokulia vinyingi, mu duke kulia amakuyu gakyo nobulahi bwakyo; navutswa lwa mwingira mu kivala zana, mwononnya kivala kyange, nemiyandu gyange mwa gyi kola kyokuvihiriridza.

Jeremia 31:23

Yahova wa mahe, Nyasaye wa Israeli, a vola ndi, Va la tumekira amakuva yaga kandi mu kivala kya Yuda nomu madala gakyo, lwa ndirannya kandi lyadikidzwa lyavo: Yahova a ku gasidze, O ive ubumenyo bwobulungi, O ive kigulu kyobutakatifu.

Hosea 11:7

Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya.

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Hosea 9:3

Si va la menya mu kivala kya Yahova; navutswa Efiraim a lirana Egepeti, na va la lagira ubukima bu ta li bulahi ha Asuria.

Mika 2:10

Mu singire, mu tsie; kigira hano si ha veye hokusosa henyu mba; kigira ubudamano bwononnyanga, kuduka lidividza lilitu.

Matayo 4:5

Ma Setani ya mu hila mu lidala litakatifu, na a mu singiridza ku kisegese kyelitempeli,

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Likunula 2:21

Kandi nda mu ha inyinga a duke kweganira; naye si yenya kweganira nokuleka litsia mbakana.

1 Samweli 15:17

Na Samweli ya vola, Kali nu u veye mukekeke mu tsimoni tsitsyo ive mwene, si wa lyamehidzwa kuva mutwe ku tsihiri tsva Israeli? Na Yahova ya ku vaka maguta kuva mwami ku Israeli;