Isaya 26:1 - KITABU KITAKATIFU

¹ Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 26:1 ပူးပေါင်းရင်းမြစ်များ

Ezara 3:11

Na vembirana avene na avene mu lidzominya nelisantidza Yahova, ni va vola, Kigira a veye mulahi, kigira tsimbabasi tsitsye tsi veye ku Israeli netsyemihiga nemihiga. Navandu vosi va ginga myoyo gyavo ni va hanzuka, lwa vidzominya Yahova, kigira muse gwenyumba ya Yahova gu mali kutemwa.

Zaburi 31:21

Yahova a gasidzwe; Kigira u mmannyi tsimbabasi tsitsye tsyobuyanzi tsyokuge nnya mu lidala lyetsingulu.

Zaburi 48:12

Mu kumbiridze Zioni, mu li vodonkane Mu validze vitaradzi vyalyo;

Zaburi 48:4

Kigira, henza, avami vevungidza avene, Va vita halala.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 14:31

U kupe tsikwili, O kiribwa; u lire, O lidala; wa salaluka ku kama, O Filisitia, ive wosi; kigira mwoki gu twula kasika sini, na si ha veye nomundu kuvo u lyeyahula mu tsinyinga tsyagwo tsya lagwa.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:20

Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 31:5

Kuli manyonyi ga bulukanga, ni ndiyo Yahova wa mahe a la linda Yerusalemi; a la li linda nokuliho nnya, a la vita kulyo nokulisola.

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Isaya 33:5

Yahova a kuminywa; kigira a menyanga igulu: wizulitsa Zioni nelikalaga nobulungi.

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

Isaya 4:2

Mu lidiku yilyo lusya lwa Yahova lu la va lulahi nokuva nobukumi, na makuyu gelirova ga la va amalahi ligali na manolu ga ve ga yavo avahona ku Vaisraeli.

Isaya 5:1

Nyimbire muyanze wange lwimbu lwomuyanze wange ku kizabibu kikye. Muyanze wange ya li nekizabibu mu kigulu kyamarova malahi:

Isaya 56:5

Nda haana kuvo lidzulitsa na ameta mu inyumba yange, mu madigi gange ga li va malahi kuvita kuva navayai navakana; nda va ha lieta lyemihiga nemihiga, li la vula kutwulidzwa.

Isaya 60:18

Kirage ki la vula kuhulirwa kandi mu kivala kikyo, kandi litigala hatswa, nobwoneku si vi la va mu tsinzako tsitsyo mba; navutswa madigi gogo u la ga gulika lieta yili, Ubuhonnyi, neviribwa vivyo u la vi gulika lieta Lidzominya.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 62:11

Henza, Yahova u landidzi kuduka ku kiheri kyelirova, U volere mukana wa Zioni, Henza, lihonywa yilyo lidza nga; henza, a veye na madanyi gege, nelitunga lilye li veye imbiri wewe.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Ezekieli 40:5

Na, henza, lya li ho lidigi kyova wenyumba tsimbega tsyosi, na mmukono gwomundu zana ya li nekidundu kyokugera kyobutambi bwakyo bwa li ligera lyamakono gatano na mulala mukono sa mulala na kigalo: ma ya gera ubuliduhu bwelyombakwa, kidundu kilala; na ubudiguluku bwalyo, kidundu kilala.

Zekaria 2:5

Kigira inze, Yahova a vola, inze nda va lidigi lyolugaga lwomuliru kulikumbiridza tsimbega tsyosi, na nda va ubukumi hagati halyo.

Zekaria 2:9

Kigira, henza, nda sung'usa mukono gwange kuvo, na va la va avalanye ku yavo ava va tumekira; na mu la manya Yahova wa mahe ya ntuma.

Livalidza 21:17

Hene yaho Israeli vimba lwimbu yilu: U senuke, O kidaho; mu kimbire:

Matayo 16:18

Ninze nku volera, Ive u veye Petro, kandi ku lwanda yilu ndombaka livugana lyange; neviribwa vye Kihadisi si vi nyala kuliguuta.