8 Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.
Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.
Kigira avandu va la menya mu Zioni ha Yerusalemi; si u la lira kandi mba; ligali a la ku vererera ku mwoyo gwelilira lilyo; lwa a li hulira, a la ku tivulira.
Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.
na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.
Va mu volera, Hezekia a vola, Lidiku lya lero yili li veye lidiku lyekivi, nelyokuhebwa mageli, nelya manyego; kigira avana va duki kwivulwa, netsingulu tsyokwivula si tsi ve ho mba.
Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.
Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.
U ta tia mba; kigira si u la va isoni mba: kandi u ta genya mba; kigira si u la leganywa mba; kigira u livirira tsisoni tsyobwana buke bubwo, na manyego gobukunzakali bubwo si u la gidzulira mba.
Kuli wa lekwa nokudunyirwa, kuduka ni ha vula kuva nomundu wa vita hagati hoho, nda ku kola u ve ubunene bwemihiga nemihiga, ubusangali bwa makula manyingi.
Mbugono bwetsisoni tsyenyu mu la nyola hali kaviri; na mbugono bwelidambidzwa va la sangala mu kidieli kyavo: kigira yaga mu kivala kyavo va la nyola hali kaviri; kuvo li la va lisangala lyemihiga nemihiga.
Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.
Yahova a vola ndi: U gaye mwoyo gugwo gu vule kulira, netsimoni tsitsyo tsi vule kwidoola maliga; kigira miyinzi gyigyo gyi la tungwa amadanyi gagyo, Yahova a vola; va ladza kandi kutwula mu kivala kyavasigu.
Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.
Navutswa ubwoneku yibu lwa bu li mala kuvikwa livula kwoneka, ka ndi lihambana nelikudza lwa li la mala kuvikwa li vula kukudza, hene yaho li la duka livola lya ng'odwa yili, Likudza li mireywi mu liguutwa
na vutswa kalunu li lang'aminyeywi ku liloleka lyo Muhonnyi wetu Kristo Yesu, wa goyanya likudza, na a leta livamwoyo nelivula kukudza li ve ha bulavu kigira ivangeli.
kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.
kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.