4 Kigira ive wa li impinga yavadaka, impinga ku mudambi mu lidambidzwa lilye, yokwivisa mu inyinga yekihi, kiriri ku uluva, lwembuudza ya vatihidzi i luuma kuli kihi ki kupa lidigi.
Vigumba vyange vyosi vi la vola, Yahova, ibwaha a leng'ana na ive, Wa honnyanga mudaka ku uyu u veye netsingulu kumuguuta, Yee, mudaka na mudambi ku uyu wa mu nuula?
navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.
Navutswa kiduma kyavasigu vovo ki la va kuli lugukyi, na kiduma kya yava avokutihidza ki la va kuli mukudzi gu bulukanga: yee, ga la va nonoho, bwangu.
Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.
Navutswa Yahova a vola, Kali avahambe vomuluviriri va la twulidzwa, nevilanye vya yavo ava tihidzanga vi la honywa; kigira inze nda hing'ana na uyu u hing'ana nive, na nda honnya avana vovo.
Lwa u lira, yavo ava wa vungidza va ku honnye; navutswa imbuudza i la va hila mwika gu la va hila vosi: navutswa uyu u suuviranga mu inze a la nyola miyandu gyelirova, nekigulu kyange kitakatifu.
Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.
Naye a la va hobutakatifu; navutswa a la va ligina lyokwikigitalidza nolwanda lwelikigitala lyetsinyumba tsyombi tsya Israeli; a la va mutego nombeto ku avamenyi va Yerusalemi.
O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.
Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?