Isaya 25:2 - KITABU KITAKATIFU

² Kigira wa kola lidala kuva kitumi nelidala lyetsingulu kuva kyanyi, inyumba yobwami yavageni i vuli kuva lidala; li la vula kwombakwa kandi mihiga nemihiga.

Isaya 25:2 ပူးပေါင်းရင်းမြစ်များ

Ayubu 12:14

Henza, a sambulanga, na si vi nyalika kwombakwa kandi; A bohanga mundu musatsa, na liboholola si li nyalika mba.

Isaya 13:20

Si bu la menywa ho navandu kandi, kandi si ha veye nomundu u menya mu ukutwula makula namakula: kandi Muarabu si a lombaka lihema lilye yo; kandi avayi si va la leka vyayo vyavo kugona yo mba.

Isaya 13:21

Navutswa tsinyama tsindulu tsyomwigendanyama nitsyo tsi li gona yo; netsinyumba tsyavo tsi lizula tsinyama tsyemyoyo gyokutihidza; maudo ga la menya yo, netsikole tsyombulimu tsi la kina yo.

Isaya 13:22

Visalong'ongo vi la lokera mu tsimpinga tsyavo, nevibwe mu tsinyumba tsyavo tsyobukumi tsyokuyanzidza: netsinyinga tsyalyo tsi veye himbi kuduka, na madiku galyo si ga la medwa livalidzwa.

Isaya 14:23

Na nda kola kivala yikyo ki gwe kivala kyevilungu vi menya mu, na madavalia: na nda kyeya na meyo agobwoneku, Yahova wa mahe a vola.

Isaya 17:1

Ubuliduhu bwa Damasko. Henza, Damasko li twulidzeywi li vule kuva lidala, li la va kitumi kyevyanyi.

Isaya 17:3

Na impinga i la hera mu Efiraim, nobwami bu la hera mu Damasko, na litigala lya Siria; va la va kuli ubukumi bwavana va Israeli, Yahova wa mahe a vola.

Isaya 21:9

na, henza, kiduma kyavandu kyadza, avanina ku tsiparasi, avagendanga si vaviri kulala. Naye ya tivula na a vola, Babuloni li gwiye, li gwiye; nevifwananyi vya vadzwa vya vanyasaye valyo vya vunanywa kuduka hasi.

Isaya 23:11

A nyiye mukono gwigwe ku inyanza, u sung'usi ubwami lugano lugano: Yahova u haani lilago ku Kanani, kudividza tsimpinga tsyalyo.

Isaya 23:13

Henza, kivala kya Vakalidei: avand u yavo si va veyo kandi; Muasuria u ki singeridzira yavo ava menyi mwigendanyama; vombaka vitaradzi vyavo; vononnya tsinyumba tsyalyo tsyobwami; navo va li kola li ve kyanyi.

Isaya 24:10

Lidala yilyo li veye kyanyi li tegulwa; tsinyumba tsyosi tsi haneywi miliango, a ta duka kwingira mundu kali mulala.

Isaya 25:12

Na lugaga lwempinga yamadigi gogo u mali ku lwikidza hasi, nokulwalira hasi, nokulutuula hasi, kuduka mu lugukyi.

Isaya 26:5

Kigira wikidzi hasi yavo ava menyanga igulu, lidala lyadiguluka: u likidzi hasi, u likidzi kuduka ku lirova; u li leti kuduka mu lugukyi.

Isaya 27:10

Kigira lidala lyetsingulu li tigaye lyere, bumenyo bu lekwa hang'anye, kuli mwigendanyama: ha zana kimoli ki laya, ki la gona ha zana, nokulia tsisya tsyalyo.

Isaya 32:14

Na inyumba yobwami i la lekwa; lidala li veye navandu vanyingi ligali, li la va bugira mundu; kigulu nekitaradzi vi la va ubumenyo bwetsinyama madiku gosi, ubusangali bwetsisukiri tsyommulitu, ubwayiru bwamagondi;

Isaya 32:19

Navu tswa imbula yamagina i la kupa mu ligwa lyomulitu; na lidala li lalirwa hasi ligali.

Isaya 34:13

Na mafwa ga la mera mu tsinyumba tsyakyo tsyobukumi, nelitambadza na matagalu mu tsimpinga tsyakyo; na ki la va ubumenyo bwevibwe, umugidzi gwamaudo.

Isaya 37:26

Si u huliye kuli nda kola vindu yivi ku matsyambiri, nokuvilomba mu madiku ga vita? Kalunu mbidukidzi, u duke kuva wokutung'aminya madala getsingaga, ga duke kuva vitumi vyeving'anye.

Jeremia 51:26

Na si va la vugula ku ive ligina lilala li ve lye ikona, kinga ligina li ve lyomuse; navutswa u la va hatswa madiku gosi, Yahova a vola.

Jeremia 9:11

Nda kola Yerusale ni kuva vitumi, ubumenyo vyevibwe; kandi nda kola madala ga Yuda vyanyi, avandu va vule kumenya mugo.

Kwidzulitsa 13:16

Nevilanye vyalyo vyosi u vi vungidze hagati henzira yalyo, na u sambe lidala zana nomuliru, nevilanye vyalyo vyosi, ha ve kihaanwa ku Yahova Nyasaye wowo: na li la va kitumi mihiga nemihiga; li la vula kwombakwa kandi.

Likunula 18:19

Kandi va vika uluguki ku mitwe gyavo, ni va hanzuka ni va lira nokusyoma, ni va vola, O bayaye, bayaye, lidala linene, mulyo vosi ava li nobwato bwavo ku inyanza, va kolwa avatugi kigira ubulahi bwalyo kigira ku isaa indala li koleywi hatswa.