Isaya 25:11 - KITABU KITAKATIFU

¹¹ Na a la nyira makono gege hagati halyo, kuli uyu welemanga a nyiranga makono gege kwelema; navutswa Yahova a likidza hasi luyai lwilwe halala neli kola lyamakono gege.

Isaya 25:11 ပူးပေါင်းရင်းမြစ်များ

Ayubu 40:11

U tsuke lizulira lyobutima bubwo; U henze sa mulala woluyai u mu legannye.

Zaburi 2:5

Kunangwa a la va volera mu butima bwibwe, Nokuvakupidza kivi mu livihirirwa lilye:

Isaya 10:33

Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 14:26

Lisaavira lya saavirwa ku lirova lyosi ni yili; nomu kono gwa nyirwa ku tsihiri tsyosi ni yigu.

Isaya 16:14

Navutswa kalunu Yahova u voye, a vola, Mu mihiga gyivaka, kuli gya li mihiga gya uyu wa lagwa, ubukumi bwa Moabu bu la vikwa mu lilegwa, halala nelivugana lilye linenenelitigala lilye li la va likekeke ligali na si li la va kindu.

Isaya 16:6

Kwa hulira makuva goluyai lwa Moabu a veye woluyai lunyingi; kali lyegingira lilye, noluyai lwilwe, nobu tima bwibwe; lyevola lilye si li veye kindu.

Isaya 2:10

Ingira mu lwanda, wevise mu lugukyi, ku litihidza lya Yahova, noku ubukumi bwobwami bwibwe.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:15

noku minara gyosi mitambi, noku madigi gosi getsingulu,

Isaya 25:5

Kuli uluya mu ahumu u la gehidza ndiyo liyoga lyavageni; kuli uluya nekiriri kyelilesi, lwimbu lwavatihidzi lu likidzwa hasi.

Isaya 5:25

Kigira yaga ubutima bwa Yahova bwaaki ku avandu veve, naye unyiye mukono gwigwe kuvo, nokuvakuya; nevigulu vi degera, nemibiri gyavo mikudzu gyi gwiye kuli amavivi hagati ha mahasi. Ku yaga gosi ubutima bwibwe bu kikiri ku girunkanywa, navutswa mukono gwigwe gu nyireywi kuduka kalunu.

Isaya 53:12

Kigira yaga nda mu gavulira kidieli halala na vanene, naye a la gavula vilanye halala na vetsingulu; kigira ya sundula livamwoyo lilye kuduka ku likudza, naye ya validzwa halala na vahyolanga: halala na yaga ya ginga ubwoni bwa vanyingi, kandi ya saalira yavo ava hyolanga.

Isaya 65:2

Nda nyira mukono gwange mbasu bei ku ve baali, ava gendanga ku inzira i ta li indahi, kulonda tsiganagani tsyavo avene;

Jeremia 48:29

Kwa hulira makuva goluyai lwa Moabu, a veye woluyai ligali uyu; lyeginga lilye, noluyai lwilwe nelyekonya lilye, na lyegingira lyomwoyo gwigwe.

Jeremia 48:42

Moabu a la dividzwa ihiri i vule kuva yo kandi, kigira yekuminya ku Nyasaye.

Jeremia 48:47

Kandi ndirannya lyadikidzwa lya Moabu mu madiku gekiheri, Yahova a vola. Likalagirwa lya Moabu li duki hano.

Jeremia 51:44

Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Vakolosai 2:15

U guuti ubunene netsingulu, u vi lang'aminyi habulavu u singiye kuvyo ku musalaba.

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.