Isaya 24:6 - KITABU KITAKATIFU

⁶ Kigira yaga kilaamo ki liye lirova, na yavo avamenyanga kulyo va loleki kuva ne lihyolo: kigira yaga avamenyi mu lirova yili va hiye, ava tigaye va veye avakekeke

Isaya 24:6 ပူးပေါင်းရင်းမြစ်များ

2 Avami 24:12

na Jehoiakin mwami wa Yuda ya twula kutsia ku mwami wa Babuloni, uyu, na mama wewe, navatumekiri veve, navanene vavandu veve, navanya mpara veve: nomwami wa Babuloni ya mu gumira muhambe, mu muhiga gwa kola gyitano negyivaka gwelya meha lilye.

2 Avami 25:12

Navutswa mu nyampara wavalindi ya leka valala ku avadedekere vekivala va ve ava lindi vemizabibu na valimi.

Isaya 1:31

Navetsingulu va la va kuli livudze, nemiyinzi gyigye gyi la va kuli isese yomuliru; na vyombi vi laaka halala, na si ha la va na u nyala kuvisiminya.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 34:5

Kigira kivavi kyange ki mali kunwa nokwiguta mwigulu: henza ki liika ku Edom, noku avandu ve lilaamwa lyange, kuvakalagira.

Isaya 43:28

Kigira yaga nda va vika ubudamano avanene va hatakatifu; na nda kola Yakobo kuva lilaamwa, na Israeli kuva manyego.

Isaya 5:24

Kigira yaga, kuli lumemo lwomuliru lu kaminya luvuva, na kuli ubulimu bwuma bwinamanga mu lumemo, ni ndiyo kitinya kyavo ki la va kuli libutsi, nekimuli kyavo ki la vuyidzwa igulu kuli lugukyi; kigira va sula amalago ga Yahova wa mahe, na va lega likuva lyo Mutakatifu wa Israeli.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 12:4

Kivala ki la syoma ku duka inyinga ki, netsingutsa tsyekivala kyosi tsi niala? Kigira ubudamano bwa yavo ava menyanga mukyo, tsinyama tsi divi, na manyonyi; kigira va vola, Uyu si a la lola kiheri kyetu mba.

Jeremia 5:14

Kunangwa kigira yaga Yahova, Nyasaye wa mahe, a vola ndi, Kigira mu vola likuva yili, henza, nda kola makuva gange mu munwa gugwo kuva muliru, navandu yava va la va tsinku, na muliru zana gu la va samba.

Ezekieli 5:3

Na u vugule ku lisu yilyo likekeke, u li bohe ku lukigiti lwevitweya vivyo.

Kyavalevi 26:22

Na nda tuma tsinyama tsyombulimu hagati henyu, na tsi la mu nyaga avana venyu, nokwononya mitugu gyenyu, na tsi la mu gehidza livalidza lyenyu li gehe; na tsinzira tsyenyu tsi la va tsinzere.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Malaki 3:9

Mu laamwe nevilaamo; kigira mwibanga vindu vyange, kuduka ihiri yiyi yosi.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Malaki 4:6

Naye a la girunkannya myoyo gya vadada gyi yeke ku avana, na myoyo gya avana gyi yeke ku vadada vavo; gase ndadza ku kuya lirova nevilaamo.

Matayo 27:25

Avandu vosi va tivula ni va vola, Masahi gege ga ve ku kwinye, noku vana vetu.

Matayo 7:14

Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Kwidzulitsa 28:62

Na mu la tigala vakekeke ku livalidzwa, kali ni mwa li kuli tsing'ereng'ani tsyomigulu ku bunyingi; kigira wa vula kuhulira mwoyo gwa Yahova Nyasaye wowo.

Kwidzulitsa 4:27

Na Yahova a la mu salannya hagati ha avandu, na mu la tigala vakekeke livalidzwa lyenyu hagati hetsihiri, ha Yahova a la mu hila.

2 Petro 3:10

Navutswa lidiku lyo Mwami li la duka kuli mwivi; mu lidiku yilyo ligulu li la vita nomuliviti munene, nevindu vya kale vi la timbuluka ku muliru munene, kandi lirova nemiyinzi gyi veye mulyo gyi la sambwa.