Isaya 24:5 - KITABU KITAKATIFU

⁵ Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Isaya 24:5 ပူးပေါင်းရင်းမြစ်များ

2 Samweli 23:5

Ligali inyumba yange si i veye ndiyo ku Nyasaye; Navutswa u lombi ninze lilagana lyemihiga nemihiga, Lya lombwa mu vindu vyosi, ni li veye lye ligali: Kigira li veye ubuhonnyi bwange bwosi, nelyenya lyange lyosi, Kali ni ya li lomba li vula kukula.

2 Avami 21:12

kigira yaga Yahova, Nyasaye wa Israeli, a vola, Henza, ndeta ubudamano ku Yerusalemi noku Yuda, kuduka sa mulala u hulira makuva yaga, amatu gege ga la tsinatsina.

2 Avami 21:15

kigira va kola ubudamano imbiri wange, na va mbihiriridza, kutwula lidiku lyavaguga vavo va twula Egepeti, kuduka lero.

2 Kyetsinyinga 33:9

Manase ya kyaminya Yuda, na vamenya Yerusalemi va luha va kola ubudamano kuvita tsihiri tsva Yahova ya dividza imbiri wavana va Israeli.

Zaburi 105:10

Nalyo ya dinyeridzira Yakobo kuva lilaga Ku Israeli kuva lilagana lyemihiga nemihiga

Zaburi 55:5

Ubutii na lidegera vi duki ku inze, Ubutii bunene bu nguuti ligali.

Isaya 10:6

Nda mu tuma ku ihiri i kolanga kihenyahenye, nokumuha amalago ku avandu vobutima bwange, a vugule vilanye, nokugumira avahambe, nokuvaduvaga kuli amadohi ga mahasi.

Isaya 30:9

Kigira va veye avandu avobutingu, va veye avana va vehanga, va veye avana ava ta hulira amalago ga Yahova;

Isaya 33:8

Mahasi ga lekeywi, si ha veye na u samulanga: wononnya lilagana, u legi madala, si a manya mundu.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Isaya 9:17

Kunangwa kigira yaga Yahova si a la sangalira avasoleli vavo, kandi si a la vererera avabisandu na vakunzakali; kigira sa mulala va veye avanyegi navada mano, neminwa gyosi gvi volanga ubusiru. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Jeremia 11:10

Va girunkani nokwirana ku budamano bwavaguga vavo, ava sula kuhulira makuva gange; navo va tsia kulonda avanyasaye vandi kuvatumekira: inyumba ya Israeli nenyumba ya Yuda vononnyi lilagana lyange lya nda lomba na vaguga vavo.

Jeremia 50:5

Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Ezekieli 16:59

Kigira Mwami Nyasaye a vola ndi: Nda ku kolera kuli wa kola, wa lega lyesuha ku lyononnya lilagana.

Ezekieli 20:13

Navutswa inyumba ya Israeli vebaala ku inze mu kyangalangwi: si va genda mu amalago gange, na va sula miima gyange, agomundu a va na a kola a la hindira mugo; na masa bato gange va gononnya ligali. Hene yaho nda vola nda tsuka ubutima bwange kuvo mu kyangalangwi, kuvadividza.

Ezekieli 20:24

kigira va li ni va ta kola miima gyange, navutswa va sula amalago gange, nokwononnya masabato gange, netsimoni tsyavo tsya londa vifwananyi vya vadada vavo.

Ezekieli 37:26

Kandi nda kola lilagana lyemirembe halala navo; li la va lila gana lyemihiga nemihiga halala navo; nda va vika bulahi, nokuvameda, nda singeridza hatakatifu hange hagati havo mihiga nemihiga.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 9:10

kandi si ku huliye mwoyo gwa Yahova Nyasaye wetu, kugenda mu malago gege, ga ya ku vikira mu makuva gavatumiki veve avaprofeti.

Danyeli 9:5

kwinye kwoni, nokukyaminya amakuva, nokukola ubudamano, nokwebaala, kuduka ku goveye kutwula ku megidzo gogo, na amalago gogo;

Hosea 6:7

Navutswa yavo va mali kwononnya lilagana kuli Adamu: va koli ubugeeri bwobugadi ku inze.

Kyavalevi 20:22

Kunangwa mu la gumira malago gange gosi, na miima gyange gyosi, nokugakola; kivala kva mmu hila kumenya mu, ki ta mu luka.

Kyavalevi 26:35

Tsinyinga tsyosi tsya ki veye mu liva lya vutswa ki la sosa, ni lisosa lya kya vula kuva nalyo mu masabato genyu, inyinga mwa menya mukyo.

Mika 2:10

Mu singire, mu tsie; kigira hano si ha veye hokusosa henyu mba; kigira ubudamano bwononnyanga, kuduka lidividza lilitu.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Kwidzulitsa 32:20

Na a vola, Nda visa mumoni mwange kuvo Nda lola kiheri kyavo ki la va ndi: Kigira va veve likula lidamano Avana ava ta li nobusuuvirifu.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Vahebraina 9:1

Kunangwa kali lilayana lyokutanga lya li namalago gobutumwa bwedini, na hatakatifu halyo, hatakatifu ku lugano lwelirova yili.

Joshua 23:16

Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Joshua 24:25

Kunangwa Joshua ya lomba lilagana halala navandu lidiku yilyo, na a vika kuvo amalago nemiima ha Shekem.