Isaya 24:23 - KITABU KITAKATIFU

²³ Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 24:23 ပူးပေါင်းရင်းမြစ်များ

Zaburi 97:1

Yahova yamehanga; lirova li sangale; Ubunyingi bwevisulu vi yanze.

Kutwula 15:21

Na Mdriamu ya va tivulira, Mwimbire Yahova, kigira u guuti nobukumi; Iparasi na wanina ku u va teye mu inyanza.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 13:10

Kigira tsing'ering'ani tsyomigulu nelihambana lyatsyo si tsi laakidza ubulavu bwatsyo mba: neliuva li la kolwa kisundi mu livaala lyalyo, nomweli gu la vula kwaakidza ubulavu bwa gwo.

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 33:17

Tsimoni tsitsyo tsi la lola umwami mu bulahi bwibwe: tsi la lola kivala kyobugalamu bwakyo bwa duka ihale.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 52:7

Vya li vilahi ki mu vigulu, virenge vya uyu u letanga makuva malahi, u landidzanga makuva gemirembe, u letanga makuva malahi gevindu vilahi, u landidzanga makuva gobuhonywi; u voleranga Zioni, Nyasaye wowo wamehanga

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Isaya 60:19

Liuva li la vula kuva ubulavu bubwo kandi inyinga yombasu; kandi ku bung'e reng'anu yibwo mweli si gu la ku ha ubwaaku kandi: navutswa Yahova a la va ubulavu bwemihiga nemihiga ku ive, Nyasaye wowo a la va bukumi bubwo.

Isaya 60:20

Liuva lilyo si li la yera kandi mba, kinga mweli gugwo si gu livisa kandi; kigira Yahova a la va bulavu bubwo ubu hongeranga mihiga nemihiga, na madiku gelisyoma lilyo ga la vita.

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Danyeli 7:18

Navutswa avatakatifu va U Veye Igulu Ku Vyosi va la vugula ubwami, nokwameha mihiga gyosi, kuduka mihiga nemihiga.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Joeli 2:31

Na liuva li la girunkanywa li gwe kisundi, na mweli gu la girunkanywa gu gwe masahi, lidiku lya Yahova linene na lyokutihidza li kikiri kuduka.

Joeli 3:15

Liuva na mweli vi koleywi kisu ndi, na tsing'ereng'ani tsi vuli kwaaka.

Obadia 1:21

Navahonnyi va lanegira ku kigulu kya Zioni kukalagira kigulu kya Esau; nobwami bu la va bwa Yahova.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Zekaria 14:6

Na ga la duka mu lidiku yilyo, ubulavu si bu la va nobwaaku kinga nekisundi:

Zekaria 14:7

navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Matayo 6:10

Ubwami bubwo budze. Ubulaliri bubwo bu kolwe mu lirova muno kuli bu kolwa migulu.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 14:1

Kandi nda lola, henza, Mwana Weligondi na a singiye ku kigulu kya Zioni, kandi halala naye avandu tsielfu mia na makumi gane na tsine, ava li nelieta lilye kandi lieta lya Dada wewe li ng'odeywi mu bweni bwavo.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.

Likunula 19:6

Kandi nda hulira mwoyo kuli mwoyo gwekiduma kinene, kandi kuli mwoyo gwamadzi manene, kandi kuli mwoyo gwetsinkupa tsyetsingulu, ni gu vola, Aleluya: kigira Mwami Nyasaye wetu, Wanyala Vyosi, yamehanga.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.