Isaya 24:20 - KITABU KITAKATIFU

²⁰ Lirova li la yekayeka kuli muhambiki, nokuhungudzwa yiyi neyiyi kuli mwinuya; nelihyolo lyalyo li la va liliduhu kulyo, na li la gwa, nokuvula kuvuka kandi.

Isaya 24:20 ပူးပေါင်းရင်းမြစ်များ

Litanga 41:31

kandi ubuhinda bu la vula kumanyekana mu kivala kigira inzala i londanga; kigira i la va yekihalatu.

Ayubu 12:25

Va havatidzanga mkisundi ha ta veye nobulavu; A va kolanga kuguyaguya kuli muhambiki.

Zaburi 107:27

Va vekera yiyi na yiyi, nokugenda kuli muhamhiki, Na ubugeeri bwavo bu mireywi.

Zaburi 38:4

Kigira ubudamano bwange bu nkuniki kuduka ku mutwe gwange: Kuli musigo muliduhu bu mminan'ga kuvita.

Isaya 1:28

Navutswa ubwoneku bwa yava avamahyolo nobwa yavo avobwoni bu la va inyi nga indala, na yavo vosi ava leka Yahova va la hya.

Isaya 1:8

Na mukana wa Zioni u lekeywi kuli kidioli mu mulimi gwamazabibu, kuli lidiri lyo kugona mmulimi gwamahondo, kuli lidala lya kumbiridzwa navasigu.

Isaya 19:14

Yahova u tsugannyi roho gwobukyamu hagati hakyo; na va gotidzi Egepeti mu miyinzi gyakyo gyosi, kuli muhambiki a yekayekanga mu liluka lilye.

Isaya 24:1

Henza, Yahova a kola lirova kuva lyere, na a li kola kuva vutswa, nokulitung'aminya, na ya salannya avamenyi mulyo.

Isaya 28:7

Navutswa yavo va hyola ku iwaini, noku lihambika va leki inzira; musalisi nomuprofeti va hyoye kigira lihambika, iwaini i va miri, va leki inzira kigira lihambika; va hyoye mu malola, vikigitala mu likalaga.

Isaya 29:9

Mu lindirire mu genye; mwesangalidze mu ve avoboku: yavo va hambiki, navutswa si i veye iwaini; va yekayeka, navutswa si ga veye nelihambika.

Isaya 38:12

Limenya lyange li twulidzeywi, li hileywi li twule ku inze kuli kidioli kyomwayi: Ningi livamwoyo lyange, kuli uyu u lukanga tsingubo; a la nkalaga ntwule ku kyokuluka kikye: Kutwula mbasu kuduka ubudiku u la mmaliridza.

Isaya 43:27

Guga wowo wokutanga ya kola ubwoni, navegidzi vovo va hyola ku inze.

Isaya 66:24

Na va la twula, va la henza mibiri mikudzu gyavandu ava hyola ku inze: kigira ing'ende yavo i la vula kukudza, kandi muliru gwavo gu la vula kusiminywa; na va la va livihiriridza ku vemibiri vosi.

Jeremia 25:27

Na u la va volera, Yahova wa mahe, Nyasaye wa Israeli, a vola: Mu nwe, mu hambike, nokuluka, nokugwa, mu vule kuvuka kandi, kigira kivavi kya nda leta hagati henyu.

Jeremia 4:24

Nda lola vigulu, henza, vya degera, notu gulu twosi twa tumatuma.

Jeremia 51:29

Kivala ki degeranga, na ki veye nelitsunwa; kigira lisaavira lya Yahova lya saavira ku Babuloni li singiranga, kukola kivala kya Babuloni kuva vutswa, ki ta li nomundu u menya mukyo.

Jeremia 8:4

Kandi u la va volera, Yahova a vola ndi; Avandu va la gwa, na va vule kuvuka kandi? Mulala a Iz girunkana a tsie, na a la vula kwirana?

Lisyoma lya Jeremia 1:14

Inira ya mahyolo gange, mukono gwigwe gu gi bohi; Ga hambannyeywi halala, ga nini kwigoti lyange; u heridzi tsingulu tsyange: Yahova u mbiki mu makono gavo, ava nta nyala ku singira kuvo mba.

Danyeli 11:19

Ma a la yekidza mumoni mwimwe ku tsingaga tsyekivala kikye mwene; navutswa a likigitala nokugwa, na a la vula kuloleka.

Amosi 8:14

Yavo avesuhanga ku bwoni bwa Samaria, nokuvola, Kuli nyasaye wowo, O Dan, a veye mwoyo; kandi, Kuli inzira ya Beersheba i veye mwoyo; va la gwa, na si va la vuka kandi mba madiku gosi.

Nahum 1:5

Vigulu vi degera imbiri wewe, na tugulu tu yenguka; na lirova li gingangwa igulu mbiri wewe, yee, lirova na vosi va menyanga mulyo.

Likunula 18:21

Kandi ingelosi wetsingulu ya ginga ligina kuli lugina lunene, na a li ta mu inyanza, na a vola, Ndi neligwa linene Babuloni lidala linene li la tebwa hasi, kandi li la vula kuloleka ligali kandi.