Isaya 24:11 - KITABU KITAKATIFU

¹¹ Lilira li veye mu mahasi galyo kigira iwaini; busangali bwosi bu vikeywi kisundi, ubusangali bwosi bwekivala bu goti.

Isaya 24:11 ပူးပေါင်းရင်းမြစ်များ

Zaburi 144:14

Lwa tsing'ombe tsyetu tsi veye nemisigo milahi; Lwa ha vula kuva nahatiguka, kinga kutwulidza, Kandi ha ta veye lihanzuka ku tsinzira tsyetu:

Tsing'ano 31:6

Uyu a veye ahimbi kudiva, u mu he kyokunwa kilulu, Na uyu u veye nomwoyo mululu u mu he iwaini:

Isaya 16:10

Ubu sangali bu twulidzeywi, nobuyanzi bu twulidzeywi mu mulimi gwama ligali; kandi mu kizabibu si ha la va nelyimba mba, kinga myoyo gyobusangali: mu vyokumina vyewaini, si ha veye noduvaganga; mmali kuheri dza lwanga lwa va duvaga.

Isaya 32:10

Kigira kivi ki la mu nyola ku madiku ga li duka, mwinye avakali va ta ganagana ku kindu; kigira lyagulwa lyamazabibu li la vula kuva ho, nelivungidzwa lyevindu vyemilimi li la vula kuva ho.

Isaya 32:13

Amafwa nolutavati vi la mera mu kivala kyavandu vange; yee, mu tsinyumba tsyosi tsyobusangali, mu lidala lyobusangali.

Isaya 8:22

na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.

Isaya 9:19

Kivala yiki ki hidzanga ligali kigira ubutima bwa Yahova wa mahe: navandu va veye kuli tsinku tsyoku vikwa mrnuliru; si ha veye nomundu u verererera amwavo wewe.

Jeremia 14:2

Yuda a syomanga, kandi viribwa vi syomanga, vikaye hasi viviki tsingubo tsimwamu; lilira lya Yerusalemi lyanegiye igulu.

Jeremia 46:12

Tsihiri tsi huliye tsisoni tsitsyo, nelirova lizuyi lilira lilyo; kigira muluviriri wikigitaye ku muluviriri wakye, va gwiye vombi halala.

Jeremia 48:33

Busangali nobuyanzi bu twulidzeywi mu mulimi gwamanga nomu kivala kya Moabu, na inze nda kaminya iwaini mu vyokumina: si ha veye na uyu u duvaga halala nelihanzuka; lihanzuka si li la hanzukwa mba.

Hosea 7:14

Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze.

Joeli 1:12

Muzabibu gu niaye, na mukuyu gwumi; mukomamanga, na ligemu, kandi muchungwa, kali misala gyosi gyemilimi gyi niaye: kigira ubusangali bu niaye kutwula ku avana va avandu.

Joeli 1:15

O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.