Isaya 23:17 - KITABU KITAKATIFU

¹⁷ Na ga la va inyima wekiheri kyemihiga makumi gatano na gaviri, Yahova a ladza ku Turo, naye a lirana ku madanyi gege, na a la kola malaya nobwami bwosi bwelirova na mumoni mwelirova.

Isaya 23:17 ပူးပေါင်းရင်းမြစ်များ

Isaya 23:15

Na ga la va mu lidiku yilyo, Turo li livirirwa mihiga makumi gatano na gaviri, kuli madiku gomwami mulala: na inyima wekiheri kyemihiga makumi gatano na gaviri ga la va ku Turo kuli ga li mu lwimbu lwowama laya.

Isaya 23:16

Vugula ubukana, u tsie yiyi neyiyi mu lidala, ive wamalaya wivirirwa; wimbe nomwoyo mulahi, wimbe tsinyimbu tsinyingi, u duke kwidzulitswa.

Jeremia 25:11

Na kivala yiki kyosi ki la va kyere, neligenya; na tsihiri yitsi tsi la tumekira mwami wa Babuloni mihiga makumi gatano na gaviri.

Jeremia 29:10

Kigira Yahova a vola, Babuloni lwa li dukidzwa mihiga makumi gatano na gaviri, inze nda luuta mwinye, na nda mu dukidzira likuva lyange lilahi, kumwirannya hano.

Ezekieli 16:25

Wombake hadigu luku hoho ha mutwe gwa mahasi gosi, na u koli ubulahi bubwo kuva kivihiri, na u tavalalidzi virenge vivyo ku vosi ava vitanga himbi, nokumeda amalaya gogo.

Ezekieli 16:26

Kandi u koli ubuheyi ku Vaegepeti, avatende vovo, avanene vomubiri, na u medi amalaya gogo, kuvukidza ubutima bwange.

Ezekieli 16:31

kuli weyombakiranga hango hoho hanene ha mutwe gwamahasi gosi, nokulomba hadiguluku hoho mu tsinzira tsyosi, na si u veye kuli wa malaya, kigira wa lega livugula amadanyi.

Ezekieli 22:13

Kunangwa, henza, kigira yaga inze mwene nkong'ondi amakono ku vyambeti vivyo vya wa nyolera ku ga ta li bulungi, noku masahi gogo aga li mu ive.

Mika 1:7

Vifwananyi vivye vya vadzwa vi la duvulwa vyosi, na madanyi galyo ga la sambwa nomuliru, na vifwananyi vyalyo vyosi nda vi kola hatswa; kigira ya vungidza madanyi ga malaya, na va lirana ku madanyi ga wamalaya.

Mika 3:11

Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye.

Nahum 3:4

kigira ubunyingi bwevindu vyamalaya vya uyu wamalaya weligondo lilahi, wekikali munene mu vindu vyobukumu, u gulidzanga avetsihiri namalaya gege, na aviko a va gulidzanga nevyobu kumu bwibwe.

Zefania 2:7

Na luginga lu la va lwavatigala venyumba ya Yuda; va laya magondi gavo ha zana; inyinga ya mgolova va la gona mu tsinyumba tsya Ashikelon; kigira Yahova Nyasaye wavo a ladza kuvo, nokugalukidza lyadikidza lyavo.

Vikolwa 15:14

Simeoni u mali kukuvuulira kuli Nyasaye ya tanga kuhenza Tsihiri, a duke kuvugula kuvo avandu ku lieta lilye.

Kwidzulitsa 23:18

U ta leta amadanyi gomuheyi, kinga madanyi gembwa, mu inyumba ya Yahova Nyasaye wowo kigira lisuuviridza lyosi: kigira vindu yivi vyombi vi veye livihiriridza ku Yahova Nyasaye wowo.

1 Timoteo 3:3

a ta va muhambiki, a ta va wekizalo; navutswa a ve muhooma, a ta va mutindi, u ta yanza ifetha;

1 Timoteo 3:8

Kandi ndiyo avatumiki velivugana ga va dukira kuva nobugoosi, va vule kuva netsinimi tsiviri, kandi va vule kunwa iwaini inyingi, kandi va vule kukayirwa vyambeti vi ta dukani navo;

1 Petro 5:2

Mu linde kyayo kya Nyasaye ki veye ku mwinye, nokukihenza, ga ta va ku linigwa, navutswa ku mwoyo gwobuyanzi, kuli ubulaliri bwa Nyasaye: kandi ga ta va kigira linyola ubutugi budamano, navutswa nomwoyo gwobugulu;

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.