Isaya 22:2 - KITABU KITAKATIFU

² O ive wizuye liha nzuka, lidala lyeliyoga, lidala lyelisangala: lyavandu vovo viitwa si viitwa nekivavi, kandi si va kudzira mu bulwani.

Isaya 22:2 ပူးပေါင်းရင်းမြစ်များ

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 23:7

Yili ni lidala lyenyu lyo busangali, lyeliva lyalyo lya kale ni lya madiku gokumatsyambiri, lyevirenge vyalyo vya li hila kumenya ihale?

Isaya 32:13

Amafwa nolutavati vi la mera mu kivala kyavandu vange; yee, mu tsinyumba tsyosi tsyobusangali, mu lidala lyobusangali.

Isaya 32:14

Na inyumba yobwami i la lekwa; lidala li veye navandu vanyingi ligali, li la va bugira mundu; kigulu nekitaradzi vi la va ubumenyo bwetsinyama madiku gosi, ubusangali bwetsisukiri tsyommulitu, ubwayiru bwamagondi;

Isaya 37:33

Kunangwa kigira yaga Yahova a vola ndi ku makuva gomwami wa Asuria, Si a lingira mu lidala yili mba, kandi si a la lasa ho mbano, kandi si a ladza mmugidzi gwelidala yili nengavo, kandi si a la kola kitumi kyalyo.

Isaya 37:36

Ma ingelosi wa Yahova ya twula, ni yiita avandu tsielfu mia na makumi gatano na gavaka na tsielfu tsitano mu hokusosa ha Asuria; navandu lwa va vuka mugamba, henza, vosi va li avakudzu avere.

Jeremia 14:18

Ni ntwula kutsia mmulimi, henza, aviitwa nekivavi ni nzingira mu lidala, henza, avalwaye kigira inzala kigira muprofeti nomusalisi vombi va tsia yiyi na yiyi mu kivala kya va ta manya.

Jeremia 38:2

Yahova a vola, Uyu u menyanga mu lidala yili a la kudza nekivavi, nenzala, nobulwaye; navutswa uyu u twulanga kutsia ku Vakalidei a la va mwoyo, na livamwoyo lilye li la va vilanye kuye, naye a la va mwoyo.

Jeremia 52:6

Mu mweli gwa gyine, ku lidiku lya gatano na gane gyomweli, inzala ya kira ligali mu lidala, kuduka ubukima ni bu vula kuva ho ku avandu vekivala.

Lisyoma lya Jeremia 1:1

Lya duka ndi lidala kumenya lyeng'ine, lya li lizulira avandu Lya duka ndi kuva kuli mukunzakali, yili lya li linene ligali mu tsihiri Mukana womwami hagati hevivala yivyo ya duka ndi kunigwa ku lisolola

Lisyoma lya Jeremia 2:20

Lola, O Yahova, henza, ni bwaha wa u koleye ndiyo Avakali va lie lwivulo lwavo, avana va va lera mu makono gavo? Musalisi nomuprofeti va liitirwa mu hatakatifu ha Yahova?

Ezekieli 22:5

Yivyo vi veye ahimbi, navyo vi veye ihale, vi la ku kolera kihenyahenye, ive mudamano wizula kivihiri.

Zefania 2:15

Yili ni lidala lyobusangala li menyanga bugira kuganagana, lya vola mu mwoyo gwalyo, Inze mbeye ho, si ha veye nowundi navutswa inze: ga veye ndi gwiye hatswa, kandi hetsinyama tsyombulimu tsi menya sa mulala u vita ahimbi kulyo a la kunuka nokusung'usa mukono gwigwe.