Isaya 22:15 - KITABU KITAKATIFU

¹⁵ Yahova a vola, Yahova wa mahe ndi, U tsie, ku uyu u lindanga ubutugi, livola li veye, ku Shebina, u veye igulu ku inyumba, mmu volere,

Isaya 22:15 ပူးပေါင်းရင်းမြစ်များ

1 Avami 4:6

na Ahisharu ya li munene ku inyumba; Adoniram mwana wa Abida ya li igulu ku vayinzira kutunga ubushutu.

2 Avami 10:5

Na uyu wa li munene ku avandu venyumba, kandi uyu wa li munene ku lidala, na vakulundu, nava virukidza va tuma avatumwa kutsia ku Jehu, ni va vola, Kwinye ku veye avatumekiri vovo, na ku la kola vyosi vya u ku laga; si ku la kola mundu kali mulala mwami: kola ga u lola kuva malahi mu tsimoni tsitsyo.

2 Avami 18:18

Navo lwa va mala kulanga mwami, Eliakim mwana wa Hilikia, wa li musingeriri wenyumba, na Shebina mung'odi, na Joa mwana wa Asafu mung'odi wetsinyinga, va twula kutsia kuvo.

2 Avami 18:26

Hene yaho Eliakim mwana wa Hilikia, na Shebina, na Joa, va volera Rabishake, Mwadza, u volerane nekwinye avatumekiri vovo, nolulimi lwa Kisiria kigira ku ki manya: u ta volerana nekwinye nolulimi lwa Kiyuda mu amatu gavandu va veye ku lidigi lyolugaga.

2 Avami 18:37

Hene yaho Eliakim mwana wa Hilikia, wa li musingeriri wenyumba, na Shebina wa li mung'odi, na Joa mwana wa Asafu mung'odi wetsinyinga, vadza ku Hezekia ni va tanduye tsingubo tsyavo, ni va mu volera makuva ga Rabishake.

2 Avami 19:2

Na ya tuma Eliakim, wa li musingeriri wenyumba yeye, na Shebina mung'odi, navakulundu vavasalisi, ni viviki magunia, va tsie ku Isaya mprofeti, mwana wa Amozu.

1 Kyetsinyinga 27:25

Na Azimavethu mwana wa Adieli ya li igulu ku akiba yomwami: na Jonathan mwana wa Uzia ya li igulu ku butugi bwemilimi, na ma dala, nomu tudala, nomu tsimpinga:

Isaya 36:11

Hene yaho Eliakim na Shebina na Joa va volera Rabishake, Mwadza, u volere kwinye avatugwa wowo mu lulimi lwa Kisiria; kigira kwinye ku ki manya: u ta volera kwinye mu lulimi lwe Kiyuda, mu amatu gavandu ava veye ku lugaga.

Isaya 36:22

Hene yaho Eliakim mwana wa Hilikia, wa li munene mu inyumba, na Shebina mung'odi, na Joa mwana wa Asafu i muvalidzi, va tsia ku Hezekia, ni va tanduye tsingubo tsyavo, na va mu volera amakuva ga Rabishake.

Isaya 36:3

Ma Eliakim mwana wa Hilikia, wa li munene mu inyumba, na Shebina mung'odi, na Joa, mwana wa Asafu mu validzi wetsinyinga, va loleka kuye.

Isaya 37:2

Na ya tuma Eliakim, munene wenyumba yeye, na Shebina mung'odi, na vakulundu va vasalisi, vivika magunia, va tsie ku Isaya muprefeti mwana wa Amozu.

Vikolwa 8:27

Kandi ya twula na a tsia: kandi henza, ya lola mundu wa Ethiopia, kitsiri mwene tsingulu, mukekeke ku Kandaki, mwami wekikali wa Vaethiopia, wa li na a veye ku butugi bwibwe bwosi, naye yadza Yerusalemi kusigamira;