Isaya 22:14 - KITABU KITAKATIFU

¹⁴ Yahova wa mahe yelolekidza mu amatu gange, Ligali ubudamano yibu si bu la samefwa kutwula ku mwinye mu luhe mu kudze, Yahova a vola, Yahova wa mahe.

Isaya 22:14 ပူးပေါင်းရင်းမြစ်များ

2 Samweli 6:23

Na Mikali mwana wa Saulo ya vula kwivula kuduka likudza lilye.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 30:13

kunangwa ubudamano yibu bu la va ku mwinye kuli ha huduki himbi kugwa, ha vimbi mu lidigi litambi, ahe lyadika lyaho li dukanga nonoho.

Isaya 31:2

Navutswa uyu kandi a veye nobugeeri, na a la leta ubudamano, na a la vula kwirannya makuva gege, navutswa a la singira kuhing'ana nenyumba ya yavo ava kolanga buda mano, nokuhing'ana nelikonywa lyayavo ava kolanga budamano.

Isaya 5:9

Mu amatu gange, Yahova wa mahe a vola, Ligali tsinyumba tsinyingi tsi la lekwa tsing'anye, kali tsi veye tsinene na tsindahi, tsi la va bugira avandu.

Isaya 65:20

Si a la va ho kandi mwana mudoto wa madiku makekeke, kinga musakulu u kikiri kudukidza madiku gege: kigira mwana a la kudza na a veye mihiga mia, nowo bwoni wemihiga mia a la laamwa.

Isaya 65:7

ubudamano bwenyu avene, nobudamano bwa va dada venyu halala, Yahova a vola, mwinye ava vuyidzi kimuli ku vigulu, nokunyegera mu tugulu: kunangwa kigira yaga nda tanga kuvagerera miyinzi gyavo mu viritu vyavo.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Amosi 8:7

Yahova wesuhi ku bunene bwa Yakobo, Ligali si ndivirira kazozo miyinzi gyavo kali mulala kugyo

1 Samweli 3:14

Kunangwa, mmali kwisuhira inyumba ya Eli, ubudamano bwenyumba ya Eli si bu la twulidzwa netsisadaka kinga visyuviriru kuduka mihigi nemihiga.

1 Samweli 9:15

Na Yahova ya li na a vuliye Samweli lidiku lilala, Saulo na a kikiri kutsia kuye, na a vola,