Isaya 21:3 - KITABU KITAKATIFU

³ Kigira yaga kikenge kyange kizuye ubusaliri bunene; lilumwa li ng'umiye, kuli lihlmwa lyomukali u veye nelilumwa lyelivula: numangwa ligali kuduka si nyala kuhulira; ng'enyanga kuduka si nyala kulola.

Isaya 21:3 ပူးပေါင်းရင်းမြစ်များ

Zaburi 48:6

Lidegera lya va gumira ha zana Nobululu kuli mukali wenya kwi vula.

Isaya 13:8

na va la va nobutii: lilumwa nelisalira li la va gumira; va la kenya kuli mukali u veye mu lilumwa: na va la genyerana sa mulala nowakye; mumoni mwavo mu la va mumoni mwolumemo.

Isaya 15:5

Mwoyo gwange gu kupa tsikwili kigira Moabu; avanene veve virukira Zoaru, na Egilathushelishiya: kigira yavo vanegira nokulilira ku kyanegiru kya Luhithu; kigira ku inzira ya Horonaim va ginga lilira lyobwoneku.

Isaya 16:11

Kigira yaga mutima gwange gu twulidzira Moabu lihirigana kuli ubukana, ne vyanda vyange vi lilira Kiriherezu.

Isaya 16:9

Kigira yaga inze nda lira ku lilira lya Jazeri kigira muzabibu gwa Sibima; nda ku sama namaliga gange, O Heshibon, na Eleale: kigira oluku lwobuluani lu gwiye ku makuyu gogo genyinga yoluya noku ligesa lilyo.

Isaya 26:17

Kuli mukali u veye inda, yisundanga himbi ku inyinga yeye yokwivula, a vedzanga mu lilumwa nokulira ku busaliri bwibwe; ni ndivo kwa li imbiri wowo, O Yahova.

Jeremia 4:19

Ubusaliri bwange, ubusaliri bwange ntsunangwa mu mwoyo gwange gwene; mwoyo gwange gu timukanga mu inze; si nyala kukiring'ana; kigira u huliye, O mwoyo gwange, mwoyo gwekisiliva, muliviti gwobulwani.

Jeremia 48:41

Keriothu li vuguywe, netsimpinga tsi gumeywi, lidiku yilyo myoyo gya valuviriri va Moabu gyi la va kuli mwoyo gwomukali u lumangwa.

Jeremia 49:22

Henza a lanegira nokubuluka kuli indidzu, nokuvambula tsimbaha tsitsye ku Bozra: nelidiku yilyo mwoyo gwavaluviriri va Edom gu la va kuli mwoyo gwomukali u lumangwa.

Jeremia 50:43

Mwami wa Babuloni a huliye makuva gavo na makono gege ga dendeya: kivi ki mu gumiye, nelitsunwa kuli mukali mu lilumwa lilye.

Jeremia 6:24

Ku huliye lusuma lwilwe; namakono getu ga gwa madedekere: litsunwa li ku gumiye, na lilumwa kuli mukali mu lilumwa lilye.

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

Yohana 16:21

Mukali lwa a lumangwa a vedza neliverera, kigira isaa yeye i duki: navutswa ni ya ka mala kwivula mwana, si yidzulitsa kandi ubusaliri, kigira a yanza mundu wivuywi mu kivala.

Kwidzulitsa 28:67

Mugamba u la vola, Ngano gu ve mgolova namgolova u la vola, Ngano gu ve mugamba kigira ubutii bwomwoyo gugwo bwa u tia, nelilola lyetsimoni tsitsyo lya u li lola.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.