Isaya 21:2 - KITABU KITAKATIFU

² Mmali kumannywa malola agokusaliridza; uyu u tumekiranga ubugadi a gadanga, na uyu u gotidzanga a gotidzanga. Yanegira, O Elam; u kumbiridze madala, O Media; mmali kuheridza likenya lyago lyosi.

Isaya 21:2 ပူးပေါင်းရင်းမြစ်များ

Litanga 10:22

Avayai va Shem: Elam, na Ashuru, na Aripakishadi, na Ludi, ns Aram.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

Zaburi 119:158

Nda lola avekirage na mbihirirangwa Kigira va vula kugumira likuva lilyo.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 25:3

Yee, ava lindiriranga ive si va la va netsisoni, kali mulala: Yavo ava kolanga ubugadi bugira kivune va la va netsisoni.

Zaburi 60:3

U mannyi avandu vovo vindu vidinyu: U ku nwehidzi iwaini yokuguya guyidza.

Zaburi 79:11

Lilenya lyomuhambe lyesunde imbiri wowo: Kuli ubunene bwetsingulu tsitsyo u honnye ava lagwa likudza

Tsing'ano 13:15

Limanya lilahi li letanga tsimbabasi; Navutswa inzira yomudamano i veye indinyu.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 14:4

ga la va u la vola lugano yilu ku mwami wa Babuloni, kuvola, Ai wa ku dambidza ya hera ndi lidala lyethahabu lya hera kuli ndi

Isaya 14:7

Lirova lyosi li sosa, nokwelemereridza: va leterera tsinyimbu.

Isaya 22:6

Elam ya ginga imodia, halala na magari gobulwani gavandu va li nago, noku vaninanga tsiparasi; na Kiri ya vimbula ingavo.

Isaya 24:16

Kutwula ku luvega lwekiheri kyelirova kwa hulira tsinyimbu: Ubukumi bu ve ku valungi. Navutswa nda vola, Inze nda ng'aha, nda ng'aha bayaye bu veye ku inze avobugadi va tumekira ubugadi bwavo; yee, avobugadi va tumekira ubugadi ligali.

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Isaya 47:6

Nda vihirirwa avandu vange, nda vika ubudamano ku miyandu gyange, nda va vika mmu kono gugwo; ive wa vula kuvavererera; na wa vika inira yoyo ku vasakulu nobuliduhu ligali.

Jeremia 25:25

navami vosi va Zimri, navami vosi va Elam, navami vosi va Vamedi;

Jeremia 31:20

Efiraim a veye mwana wange muyanze? Aveye mwana wokuyanzidza? Kigira tsinyinga tsyosi lwa mmu gondokiranga, ma mbongera kumwidzulitsa: kunangwa ligali mmu vererera, Yahova a vola.

Jeremia 31:25

Kigira mmali kwigutidza mwoyo gwa li ni gu luhi, nemyoyo sa mulala ugwa li ni gu vereranga mmali kugwirannya kuva umuhya.

Jeremia 45:3

Ive wa vola, O bayaye ku inze kalunu kigira Yahova u mali kumeda livererera ku litsunwa lyange; nduhi kigira likenya lyange, na si ndolanga ubusosi mba.

Jeremia 49:34

Likuva lya Yahova lya duka ku Jeremia muprofeti ku Elam, mu litanga lyelyameha lya Zedekia mwami wa Yuda, kuvola.

Jeremia 49:35

Yahova wa mahe a vola: Henza, nda vunannya ubuta bwa Elam, ubunene bwobunyali bwavo.

Jeremia 50:14

Mwelombe ku bu lwani ku Babuloni mu li kumbiridze tsimbega tsyosi, mwinye vosi ava nyira ubuta; mu li lase mibano, mu ta gyigalira: kigira ya kola ubwoni ku Yahova.

Jeremia 50:34

Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Jeremia 51:44

Nda leta likalaga ku Bel ha Babuloni, nda twulidza mrnunwa mwimwe kya ya mira; netsihiri si tsi la tsia kuye kandi mba: yee, lidigi lya Babuloni li la gwa.

Jeremia 51:53

Kali Babuloni ni yanegira igulu kuduka miguiu, kandi kali ni yelombera lugaga ku budiguluku bwetsingulu tsitsye, navutswa avokudividza va ladza kuye kutwula ku inze, Yahova a vola.

Lisyoma lya Jeremia 1:22

Ubudamano bwavo bwosi budze imbiri wowo; U va kole, kuli wa kola inze kigira mahyolo gange gosi: Kigira likenya lyange li gwiye linene, na mwoyo gwange gu duki mbulwaye.

Danyeli 5:28

FERES; ubwami bubwo bu gavuleywi nokuhebwa Avamedi na Avapersia.

Danyeli 5:9

Kunangwa mwami Belishazaru ya hu lulukwa inkolo ligali, na ligondo lilye lya galula, na avanene veve va genya.

Danyeli 8:2

Na nda lola mu malola; ga li ndi, lwa nda lola, nda li mu inyumba yobwami, Shushan, i veye mu iprovinse ya Elam; na nda lola mu lilola, nda li himbi mugera Ulai.

Danyeli 8:20

Ligondi likole lya wa lola, lya li netsinziga tsiviri, tsi veye avami va Media na Persia.

Likunula 13:10

Ku vosi mundu na a va na a veye mu lilanya, a la lanywa, ku vosi mundu na a va ni yiita nekivavi, a liitwa nekivavi. Yaho niho ha veye ubwikudziri nelisuuvira lyavatakatifu.

1 Samweli 24:13

Kuli lugano lwa makuva gavandu va kale lu volanga, Mu yavo avadamano ubudamano bu twulanga; navutswa mukono gwange gu la vula kuva ku ive.