Isaya 20:2 - KITABU KITAKATIFU

² inyinga yeyo Yahova ya vola nomunwa gwa Isaya mwana wa Amozu, na a vola, Tsia, u navule ingubo yeligunia kutwula mu kikenge kikyo, na u twulidze kilatu kikyo ku kirenge kikyo. Na ya kola ndiyo, na ya genda kyahonyo nevirenge vyere.

Isaya 20:2 ပူးပေါင်းရင်းမြစ်များ

2 Samweli 15:30

Na Daudi yanegira ku kyanegiru kyekigulu kya Mizeituni, na ya lira lwa yanegiranga: na ya kunikwa mutwe, na a genda nevirenge vyere: navandu vosi ava li halala naye va kunikwa sa mulala mutwe gwi gwe, navo va lira lwa vanegiranga.

2 Samweli 6:20

Hene yaho Daudi yirana a duke kugasidza avandu venyumba yeye. Na Mikali mwana wa Saulo ya twula kwaganira Daudi, na ya vola, Umwami wa Israeli a veye nobukumi kuli ndi lero, ya navula ingubo yeye lero imbiri wetsimoni tsyavakana vatugwa vavatumekiri veve, kuli mulala ku avoluyai yenavulanga bugira tsisoni

2 Avami 1:8

Navo va tivula, Ya li mundu wa yumba lisu, naye wa lyeboha lukova mu kikenge kikye. Ya vola, Uyu ni Elija Mutishibi.

Zaburi 30:11

U ngirunkannyeye ubuvereri bwange kuva lisangala U navuye ingubo yange yeligunia, na u mbiki ingubo yobusangali;

Kutwula 3:5

Naye ya vola, U tesunda hano mba: navula vilatu vivyo mu virenge vivyo, kigira ha u singiranga ha veye hatakatifu.

Isaya 1:1

Yaga na malola ga Isaya mwana wa Amozu, ya lola ku makuva ga Yuda na Yerusalemi, mmadiku ga Uzia, na Jotham, na Ahazu, na Hezekia, avami va Vayuda.

Isaya 13:1

Ubuliduhu bwa Babuloni bwa Isaya mwana wa Amozu ya lola.

Isaya 37:2

Na ya tuma Eliakim, munene wenyumba yeye, na Shebina mung'odi, na vakulundu va vasalisi, vivika magunia, va tsie ku Isaya muprefeti mwana wa Amozu.

Jeremia 48:37

Kigira mutwe sa mulala gu gwiye nekyole, na tsinderu tsyosi tsi vegeywi: ha veye netsimbala tsyokusalagwa mu makono gosi, nevikenge vyosi vi boheywi tsingubo tsyamagunia.

Ezekieli 24:17

U kenye, navutswa ga ta va ha vulavu, ku lihulirwa mba, u ta syomera uyu wa kudza; wivike kigudu kikyo, wivike vilatu vivyo, u ta kunika minwa gyigyo mba, u vule kulia vyokulia vyavandu.

Ezekieli 24:23

Na vigudu vyenyu mu livika ku mitwe gyenyu, nevilatu ku virenge vyenyu: ma la vula kusyoma kinga kulira; navutswa mu la nialira mu budamano bwenyu, nokukenyerana mundu sa mulala nowakye.

Ezekieli 4:1

Kandi, ive, mwana womundu, wenyolire litafali livisi, u li vike hasi imbiri wowo, na u ng'ode lifwana lyelidala, lidala lya Yerusalemi, kulyo:

Ezekieli 4:5

Kigira inze mmali kukuha mihiga gyobudamano bwavo gyi ve ku ive livalidzwa lya madiku, nago ga veye madiku tsimia tsivaka na makumi gatano na gane: ni ndiyo u la ginga ubudamano bwenyumba ya Israeli.

Mika 1:11

Mu vite, mu tsie kyahonyo netsisoni u menyanga ha Shafira: na uyu u menyanga Zaanan si a twula; lilira lya Bethezeli li la mu nyaga mudigiru gwalyo.

Mika 1:8

Kigira yaga nda lira nokukupa tsikwili; nda tsia yiyi neyiyi ni mbeye kyahonyo; nda sama kuli kibwe; nda syoma kuli liudo.

Zekaria 13:4

Na ga la duka mu lidiku yilyo, avaprofeti va la va netsisoni sa mulala kigira lilola lilye, lwa a profetanga; kandi si va livika ingubo yobwoya va duke kugada:

Matayo 16:24

Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Matayo 3:4

Yohana mwene ya li nengubo yobwoya bweng'amia, ni yeboha lukova mkikengi kikye; kandi vyokulia vivye vya li tsisigi nobwuki bwomulitu.

Yohana 21:7

Kigira yaga mwegidzwi uyu wa Yesu ya yanza ya volera Petro, Niye Mwami. Ku, Simoni Petro lwa ya hulira nu Mwami, yeboha likoti lilye lyokuluva, (kigira ya li kyahonyo), na a tuuma mu inyanza

Vikolwa 19:16

Kandi mundu uyu wa syukirwa nomwoyo mudamano ya tuuma kuvo na a va vita tsingulu, na a va guuta vosi, va duke kwiruka kutwula mu inyumba chahonyo kandi va li netsing'oma.

Vikolwa 21:11

Yadza ku kwinye na a vugula musipi gwa Paulo ni yeboha virenge vivye namakono, na a vola, Ni ndiyo Roho Mutakatifu a vola, Ni ndiyo Avayuda ve Yerusalemi va la ka bohe mundu mwene musipi vigu, ni va mu vika mu makono ge rsihiri.

Joshua 5:15

No munene welihe lya Yahova ya volera Joshua, Twulidza kilatu kikyo ku kirenge kikyo; kigira ha u singive ha veye hatakatifu. Na Joshua ya kola ndiyo.

Likunula 11:3

Kandi nda va ha avalolekidzi vange vaviri, navo va la profeta amadiku elfu indala netsimia tsiviri na makumi gatano na lilala, ni viviki amagunia.

1 Samweli 19:24

Halala na yaga ya navula tsingubo tsitsye, na a profeta imbiri wa Samweli, na a gona hasi na a va kyahonyo mbasu bei nobudiku bei. Kigira yaga va vola, Saulo kandi a veye mbaprofeti?