Isaya 2:19 - KITABU KITAKATIFU

¹⁹ Navandu va lingira mu tsimbangaywa tsyetsinyanda, nomu malina gelirova, ku litihidza lya Yahova, noku bukumi bwobwami bwibwe, lwa a singira kudegeridza ligali lirova.

Isaya 2:19 ပူးပေါင်းရင်းမြစ်များ

2 Samweli 22:46

Avandu va ihiri yindi va la niala, Va la twula mbugono ha vivisa nelidegera.

Ayubu 9:6

U sung'usanga lirova li twule ho bugono bwalyo, Tsitiru tsyalyo tsi degeranga

Zaburi 7:6

U vuke, O Yahova, nobutima bubwo; Wenenehidze ku butima bwa vasigu bwange, U mbukire; u mali kulaga likalaga.

Isaya 13:13

Kigira yaga nda degeridza ligulu, nelirova yili li la sung'uswa li twule ha li vedzanga, mu ubutima bwa Yahova mu amahe, mu lidiku lyobutima bwibwe bululu.

Isaya 2:10

Ingira mu lwanda, wevise mu lugukyi, ku litihidza lya Yahova, noku ubukumi bwobwami bwibwe.

Isaya 2:21

va duke kwi ngira mu tsimbangaywa tsyetsinya nda, nomu tsiimbwa tsyetsinyanda tsya dika, kutwula ku litihidza lya Yahova noku bukumi bwobwami bwibwe lwa a singira kudegeridza li gali lirova.

Isaya 24:1

Henza, Yahova a kola lirova kuva lyere, na a li kola kuva vutswa, nokulitung'aminya, na ya salannya avamenyi mulyo.

Isaya 24:18

Ga la duka uyu wirukanga kigira liyoga lyobutii a lirana mu bogo; na uyu u senukanga kutwula mbogo a la hambwa mmutego: kigira madirisha ga veye igulu ga kunuleywi, na mise gyelirova gyi dengeyi.

Isaya 24:19

Lirova li vunannyeywi ligali, lirova li syavuluki, lirova li sung'usiki ligali.

Isaya 30:32

Na liduya lyosi lyempimbo ya lagwa, lya Yahova a la vika kuye, li la va halala nomwoyo gwobukana na gwelidienyi; na a la lwana navo nobulwani bwokusung'usa mukono gwigwe.

Isaya 33:10

Inze nda singira kalunu, Yahova a vola; kalunu ndeginga; kalunu nda kuminywa.

Isaya 7:19

Natsyo tsi ladza, na tsi la sosa tsyombi mivona li ta li navandu, nommalina gomu tsinyanda, nommafwa gosi, nomu viyairu vyosi.

Jeremia 16:16

Henza, nda tuma avandu kuleta avaluvi avanyingi, Yahova a vola, na va la va luva; na inyima wa yaga nda tuma avandu kuleta avahimi avanyingi, na va la va hima va twule mu vigulu vyosi, nomu tugulu twosi, nokutwula mu tsinkombe tsyamagina.

Jeremia 4:29

Madala gosi giruka kigira liyoga lya yavo ava nina ku tsiparasi na kigira avobuta; vingira mu maginga nokunina igulu ku magina: lidala sa lilala li lekeywi, si ha li nomundu wa menya mulyo.

Jeremia 48:28

O mwinye ava menya ha Moabu, mu twule mu madala, mu menye mu magina; mu ve kuli likulu li lombanga kyaalira kyalyo mmbalu mwomunwa gwobogo.

Ezekieli 33:27

U la va volera yaga, Mwami Nyasaye a volera mwinye ndi: Kuli inze mbeye mwoyo, ligali yavo ava veye aha lekwa kuva kyanyi, va la gwa ku kivavi, na uyu u veye mmulimi habulavu nda mu haana ku tsinyam? A duke kumirwa; na yavo ava veye mu tsimpinga nomu tsimbangaywa va la kudza kigira bulwaye.

Hosea 10:8

Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

Mika 7:17

Va la komba lugukyi kuli inzoka; kuli vimolanga vyelirova va la twula ha tsingo tsyavo ha lyevisa lyavo nelidegera, va la tsia ku Yahova Nyasaye wetu nokumutia, na va la lola ubutii kigira ive.

Nahum 3:11

Kandi u la hambika; u la viswa; ive kandi u lenya impinga kigira vasigu.

Haggai 2:6

Kigira Yahova wa mahe a vola ndi: Inyinga indala yindi, i veye inyinga inkekeke, nda degeridza ligulu, nelirova, nenyanza, nekivala kyumu;

Haggai 2:7

nda degeridza tsihiri tsyosi, nelyenya lyetsihiri tsyosi li la duka; na ndizulitsa inyumba yiyi ubukumi, Yahova wa mahe ya vola.

Luka 23:30

Hene yaho va la tanga kuvolera vigulu, Mu ku gwire; no tugulu, Mu ku kunike.

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,

Vahebraina 11:38

(avandu avelirova li ta dukana kuva navo), va vodonkananga mu kyangalangwi, nomu vigulu, nomu tsimbangaywa, nomu mbogo bwelirova.

Vahebraina 12:26

womwoyo gwigwe gwa degeridza lirova inyinga yeyo: navutswa kalunu u suuviridzi, na a vola, Inyinga yindi kandi nda degeridza, si li li lirova lyeng'ine, navutswa ligulu kandi.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 16:18

vya li ho tsimbeni, nemyoyo, netsinkupa; kandi lya li ho lidegera linene lye lirova, lya li kuli lya vula kuva ho kutwula inyinga avandu va duka mu lirova, kuli wa lya li linene.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 9:6

Kandi mu madiku yago avandu va lenya likudza, navutswa si va la li nyola mba kali hakuzu; kandi va la kayirwa likudza navutswa likudza li liruka kuvo.

1 Samweli 13:6

Lwa avandu va Israeli va lola va veye mu kivi (kigira avandu va hendidzwa mwoyo), hene yaho avandu vivisa mu tsimbangaywa, nommulitu, nommagina, nombogo, nommalina.

1 Samweli 14:11

Navo vombi velangaminya avene ku Vafilisiti volugaga: Vafilisiti va vola, Henzi, Vahebraina va twuli mbogo bwa vivisa mu.