Isaya 2:12 - KITABU KITAKATIFU

¹² Kigira li la va ho lidiku lilala lya Yahova wa mahe, ku gosi agekirage na goluyai, noku gosi aga diguluka; ga likidzwa hasi;

Isaya 2:12 ပူးပေါင်းရင်းမြစ်များ

2 Samweli 22:28

Na ava dambidzangwa u la va honnya; Navutswa tsimoni tsitsyo tsi veye ku yavo aveyidzominyanga, u duke kuvagehidza.

Ayubu 24:1

Kigira ki Wanyala Vyosi si a vika tsinyinga? Na kigira ki yavo ava mu manya si va lola madiku gege?

Zaburi 131:1

Yahova, Mwoyo gwange si gwiyidzominya, kandi tsimoni tsyange si tsyeginganga igulu; Kandi si ntsitsanga mu makuva manene, Kinga mu vindu vinene vyokugenya vyokuvita inze.

Zaburi 18:28

Kigira ive u laakidza itaya yange: Yahova Nyasaye wange, a la lavidza kisundi kyange.

Zaburi 37:13

Mwami a la mu seka; Kigira a lola lidiku lilye liidzanga.

Zaburi 94:2

Wekumuminye ive, mukalagi welirova: U he avoluya; ki dukana navo.

Tsing'ano 16:5

Ku vosi u veye nomwoyo gwoluyai a veye livihiridza ku Yahova: Kali makono ni ga hambana si a la vula kukalagirwa.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 10:33

Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 13:9

Henza, lidiku lya Yahova lidzanga, li la va nobululu, halala nobutima nevihi rirwa vilulu; kukola kivala kuva hatswa, nokwononnya avobwoni ava kyo va twule ku.

Isaya 14:15

Navutswa u likidzwa hasi kuduka ku Kihadisi, kuduka ku tsimbega tsyekiheri ligali tsyobogo.

Isaya 23:9

Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

Isaya 24:21

Na ga la va mu lidiku yilyo, Yahova a la kalagira kiduma kya yavo aveginga igulu, navami velirova ava veye ku lirova.

Isaya 24:4

Lirova li syomanga nokuniala, lirova li dengeyanga nokuniala, avenenehidzanga ku lirova va dengeyi.

Isaya 40:23

u kolanga avanene kuva vutswa, na avakalagi velirova, a va kolanga mwika vutswa.

Isaya 42:15

Ndononnya vigulu notugulu, nokunialidza tsingutsa tsyavyo tsyosi; nda kola migera kuva visulu, nokuka minya madavalia gamadzi.

Isaya 5:15

Na uyu munyaviru yinaminyangwa hasi, na munene a gehidzangwa, netsimoni tsyavadiguluku tsyeyondidza:

Isaya 61:2

kulandidza muhiga gwa Yahova gwa bugirirwa, nelidiku lyo kuvanze kisalya kya Nyasaye wetu; kuleminya myoyo gya vosi ava syo manga;

Jeremia 12:9

Miyandu gyange gyi gwiye ku inze kuli linyonyi lisalago li gumiranga inyama? Amanyonyi ga gumiranga inyama ga kupananga naye ku tsimbega tsitsye tsyosi? Mu tsie, mu vungidze tsinyama tsyosi tsyomwigendanyama, mu tsi lete tsi lie.

Jeremia 13:9

Yahova a vola, ku lilonda lugano yilu ndono nnya luyai lwa Yuda, noluyai lunene lwa Yerusalemi.

Jeremia 30:7

O bayaye kigira lidiku yilyo li veye linene, si ha li nelindi li fwana nalyo: li veye inyinga yekivi kya Yakobo; navutswa a la honywa kuyo.

Jeremia 46:10

Kigira lidiku yilyo li veye lidiku lya Yahova, uyu Yahova wa mahe, li veye lidiku lyokuvanza kisalya, a duke kwevanzira kisalya ku vasigu veve: kivavi ki la lia na ki liguta, na ki la nwa amasahi gavo nokuhambika; kigira Mwami, Yahova wa mahe, a veye nekihaanwa kikye mu kivala ku luvega lwa kasikasini himbi nomugera gwa Farati.

Jeremia 50:31

Henza, mbeye ku ive, O woluvai, Yahova a vola, Yahova wa mahe kigira lidiku lilyo li duki, ku inyinga ya nda henza ive.

Ezekieli 13:5

Mwinye mwa vula kusingira ha sasugulwa, kandi si mwa lomba lugaga ku inyumba ya Israeli, ra duke kusingira mu bulwani mu lidiku lya Yahova.

Danyeli 4:37

Kalunu inze, Nebukadinezaru, nzidzominya nokunenehidza nokukuminya Mwami womigulu; kigira miyinzi gyigye gyosi gyi veye gyeligali, na tsinzira tsitsye tsi veye tsinungi; na yavo ava genda nga mu bwigingiri a nyala kuvagehidza.

Amosi 5:18

O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba.

Mika 2:3

Kunangwa Yahova a vola ndi: Henza, inze nsaaviye budamano ku bwiko yibu, bwa mu vula kunyala kutwulidza magoti genyu kubwo, kandi si mu la genda mu luyai; kigira i veye inyinga indamano.

Mika 5:11

na nda twulidza madala gekivala kikyo, netsimpinga tsitsyo tsyosi nda tsi tsoma hasi.

Zefania 1:16

lidiku lyekisiliva nelitihidza, ku madala getsingaga, noku madigi getsingaga matambi.

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Malaki 4:5

Henza, nda tuma Elija muprofeti, yadze ku mwinye ni li kikiri ku duka lidiku linene lyokutihidza lya Yahova.

Matayo 23:12

Uyu wenenehidza a la gehidzwa; naye wegehidza a la nenehidzwa.

Luka 14:11

Kigira ku vosi weginga a la gehidzwa; nowegehidza mwene a la nenehidzwa.

1 Vakorintho 5:5

mu he Setani mundu uyu, liva lyomubiri liitwe, roho gu honnywe mu lidiku lyo Mwami Yesu.

1 Vatesalonike 5:2

Kigira mwinye avene mu manya ligali lidiku lyo Mwami lidzanga kuli mwivi yadzanga ubudiku.

Yakobo 4:6

Navutswa a ku ha tsimbabasi kuvita. Kigira yaga mang'oda ga vola, Nyasaye a hingira avigingiri, navutswa a hedzanga avegehidzi tsimbabasi.