Isaya 2:11 - KITABU KITAKATIFU

¹¹ Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:11 ပူးပေါင်းရင်းမြစ်များ

2 Samweli 22:28

Na ava dambidzangwa u la va honnya; Navutswa tsimoni tsitsyo tsi veye ku yavo aveyidzominyanga, u duke kuvagehidza.

Zaburi 18:27

Kigira u la honnya ava dambidzwa; Navutswa tsimoni tsyokwegingira, u la tsi gehidza.

Zaburi 18:28

Kigira ive u laakidza itaya yange: Yahova Nyasaye wange, a la lavidza kisundi kyange.

Zaburi 20:8

Yavo vinaminywa ni va gwiye; Navutswa kwinye ku vuki nokusingira bulungi.

Zaburi 46:10

Mu kiring'ane, mu manye inze mbeye Nyasaye: Nda nenehidzwa mu tsihiri, nda nenehidzwa mu lirova.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 94:2

Wekumuminye ive, mukalagi welirova: U he avoluya; ki dukana navo.

Tsing'ano 16:5

Ku vosi u veye nomwoyo gwoluyai a veye livihiridza ku Yahova: Kali makono ni ga hambana si a la vula kukalagirwa.

Tsing'ano 30:13

Ha veye nelikula, lyeginga lyetsimoni tsyavo li duka ndi Na vigohe vyavo vya gingwa.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 12:1

Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.

Isaya 12:4

Na mu lidiku yilyo mu la vola, Mu santidze Yahova, mwa nire lieta lilye, mu landidze vikolwa vivye mu tsihiri, mu vole lieta lilye lya nenehidzwa ligali.

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Isaya 14:15

Navutswa u likidzwa hasi kuduka ku Kihadisi, kuduka ku tsimbega tsyekiheri ligali tsyobogo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 23:9

Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi.

Isaya 24:21

Na ga la va mu lidiku yilyo, Yahova a la kalagira kiduma kya yavo aveginga igulu, navami velirova ava veye ku lirova.

Isaya 25:9

Mu lidiku yilyo ga la volwa Henza, Uyu ni Nyasaye wetu; ku mu lindiriye, naye a la ku honnya: uyu ni Yahova; ku mu lindiriye, ku la lola bulahi nokusangalira ubuhonnyi bwibwe.

Isaya 26:1

Mu lidiku yilyo lwimbu yilu lulimbwa mu kivala kya Yuda: Ku veye nelidala lyetsingulu, a la laga ubuhonnyi kuva madigi nempinga.

Isaya 28:5

Mu lidiku yilyo Yahova u a mahe a la va itaji yobukumi, negudwa yobulahi, ku vatigala aveve;

Isaya 29:18

Kandi mu lidiku yilyo avahana amatu va la hulira makuva gekitabu yikyo, netsimoni tsya yavo avaboku tsi la lola mu kisisya nomu kisundi.

Isaya 30:18

Kigira yaga Yahova a la lindirira, a duke kumuvera tsimbabasi; kandi kigira yaga a la kuminywa, a duke kuvererera mwinye: kigira Yahova a veye Nyasaye welikalaga; va veye nobugasu vosi ava mu lindiriranga.

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Isaya 37:23

Ni bwaha wa ive wa lega nokunyega? Kandi wa ginga mwoyo gugwo ku bwaha, nokuginga tsimoni tsitsyo ku bwaha? Kali ku Uyu Mutakatifu wa Israeli.

Isaya 4:1

Ma avakali vatano na vaviri va la gumira musatsa mulala mu lidiku yilyo, nokuvola, Kwinye ku la lia vyokulia vyetu avene, nokwivika tsingubo tsyetu: navutswa ku langwe ku lieta lilyo; yaga geng'ine, ive twulidze tsisoni ku kwinye.

Isaya 40:23

u kolanga avanene kuva vutswa, na avakalagi velirova, a va kolanga mwika vutswa.

Isaya 52:6

Kigira yaga avandu vange va la manya lieta lyange: kigira yaga va la manya mu lidiku lilyo ni inze u volanga; mu henze a veye inze.

Jeremia 12:9

Miyandu gyange gyi gwiye ku inze kuli linyonyi lisalago li gumiranga inyama? Amanyonyi ga gumiranga inyama ga kupananga naye ku tsimbega tsitsye tsyosi? Mu tsie, mu vungidze tsinyama tsyosi tsyomwigendanyama, mu tsi lete tsi lie.

Jeremia 9:24

navutswa uyu wiyidzominya yiyidzominye mu yaga, ga nzidzulitsanga, nokumanya inze, mbeye Yahova u tumekiranga tsimbabasi, nelikalaga, nobulungi mu lirova: kigira inze nyanzidzangwa mu vindu yivi, Yahova a vola.

Ezekieli 38:14

Kigira yaga, ive mwana womundu, profeta, u volere Goga, Mwarni Nyasaye a vola ndi: Mu lidiku yilyo lwa avandu vange Israeli va menya nemirembe, si u la manya makuva yaga?

Ezekieli 38:19

Kigira mu likendeka lyange nomu muliru gwo butima bwange mboye, Ligali mu lidiku yilyo ha la va nelidegera linene mu kivala kya Israeli;

Ezekieli 39:11

Na ga la va ku lidiku yilyo, nda ha Goga bugono bwevilindwa mu Israeli, livona lya yavo ava vitanga ku luvega lwevugwe lwenyanza: nevilindwa vi ligalira yavo ava vitanga, va vule kuvita: na va la ta Goga ha zana nobunyingi bwavandu veve; navo va la li gulika Livona lya Hamon Goga.

Ezekieli 39:22

Na ndiyo inyumba ya Israeli i la manya inze mbeye Yahova Nyasaye wavo, kutwula ku lidiku yilyo nokutsitsagil'la.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Hosea 2:16

Na ga la va ku lidiku yili Yahova a vola, Ive u la nanga Ishi, na si u la nanga kandi Baal mba.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Hosea 2:21

Na ga la duka mu lidiku yilyo Nda tivula, Yahova a vola, Nda tivulira ligulu, neligulu li la tivulira lirova;

Joeli 3:18

Kunangwa mu madiku yago vigulu vi la tonyatonya iwaini inulu na tugulu tu la ganguluka amaveere, na migera gyosi gye Buyuda gyi lizula amadzi; na kisenukiru kya amadzi ki la senuka mu inyumba ya Yahova, na ki la sama mwivona lya Shitim.

Amosi 9:11

Ku lidiku yilyo nda singeridza lihema lya Daudi lya gwa, nokuhana hasasuguka halyo; na nda lohidza lisalana lyalyo, na nda lyombaka kuli mmadiku gamatsyambiri;

Obadia 1:8

Yahova a vola, Lidiku yilyo, si nda dividza avageeri va Edom, na oveli manya mu kigulu kya Esau?

Mika 2:3

Kunangwa Yahova a vola ndi: Henza, inze nsaaviye budamano ku bwiko yibu, bwa mu vula kunyala kutwulidza magoti genyu kubwo, kandi si mu la genda mu luyai; kigira i veye inyinga indamano.

Mika 4:6

Mu lidiku yilyo, Yahova a vola, nda vungidza avasegeranga, nda leta avakungwa, na ava nda dambidza;

Mika 5:10

Na ga la duka mu lidiku yilyo, Yahova a vola, nda twulidza tsiparasi tsitsyo tsi twuli hagati hoho, na magari gogo gobulwani nda ga dividza:

Zefania 3:11

Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange.

Zefania 3:16

Mu lidiku yilyo Yerusalemi li la volerwa, U ta tia mba; O Zioni makono gogo ga ta dendeya mba.

Zekaria 9:16

Na Yahova Nyasaye wavo a la va honnya mu lidiku yilyo kuli kyayo kyavandu veve; kigira va la va kuli magina getaji ga gingwa igulu ligali ku kivala kikye.

Malaki 4:1

Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya.

Luka 18:14

Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

2 Vakorintho 10:17

Navutswa uyu wiidzominyanga, yiidzominye mu Mwami.

2 Vakorintho 10:5

kutsoma hasi mahangali na vyosi vi veye igulu, vi hing'ananga nelimanya lya Nyasaye, nokulanya tsiganagani tsyosi nokutsivika mu lihulira Kristo;

2 Vatesalonike 1:10

inyinga a lidza kwidzominywa mu vatakatifu veve, nokugenyerwa mu yavo ava suuvira, mu lidiku yilyo (kigira lilolekidza lyetu ku mwinye lya bugirirwa).

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.