Isaya 2:10 - KITABU KITAKATIFU

¹⁰ Ingira mu lwanda, wevise mu lugukyi, ku litihidza lya Yahova, noku ubukumi bwobwami bwibwe.

Isaya 2:10 ပူးပေါင်းရင်းမြစ်များ

Ayubu 31:23

Kigira kivi ki twulanga ku Nyasaye ki veye litihidza ku inze, Na kigira ubunene bwibwe si nyala kukola kindu.

Ayubu 40:13

U va vise mu lugukyi halala; Boha mmoni mwavo ha viswa.

Zaburi 145:12

Nokulang'aminya ku avana va avandu likola lilye lyobunyali, Na ubukumi bwobunene bwobwami bwibwe.

Zaburi 90:11

Ibwaha u manya tsingulu tsyobutima bubwo Kandi ubutima bubwo kuli litibwa li dukana nive?

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 25:11

Na a la nyira makono gege hagati halyo, kuli uyu welemanga a nyiranga makono gege kwelema; navutswa Yahova a likidza hasi luyai lwilwe halala neli kola lyamakono gege.

Isaya 42:22

Navutswa avandu yava va veye ava nuulwa nokulanywa; vosi va gumirwa nemitego mu bogo, nokuviswa mu tsi nyumba tsyavahambe: va gwiye vilanye, si ha veye nomuhonnyi; va gwiye kilanye, si ha veye no u volanga Wirannye.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Jeremia 10:7

Ni bwaha u vula kutia ive, O Mwami wavetsihiri? Kigira ga ku dukira yaga: kigira mu vageeri vosi avetsihiri, nomu vindu vyavo vyosi vyobwami, si ha veye mulala u veye kuli ive.

Jeremia 13:9

Yahova a vola, ku lilonda lugano yilu ndono nnya luyai lwa Yuda, noluyai lunene lwa Yerusalemi.

Hosea 10:8

Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.

Nahum 3:11

Kandi u la hambika; u la viswa; ive kandi u lenya impinga kigira vasigu.

Luka 12:5

Navutswa nda mu gelihidza ku uyu wa mu li tia: Mu tie uyu, na a mala kwiita, a veye netsingulu kuta mu igehena; yee, mmu volera, Mu tie uyu.

Luka 23:30

Hene yaho va la tanga kuvolera vigulu, Mu ku gwire; no tugulu, Mu ku kunike.

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,