Isaya 19:3 - KITABU KITAKATIFU

³ Na roho gwa Egepeti gu la kudza hagati hakyo; na ndononnya makuva gakyo: va la tsia ku vifwananyi, noku vasegetiri noku vang'oli, noku va kumu.

Isaya 19:3 ပူးပေါင်းရင်းမြစ်များ

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 17:14

Na Abisalom navandu vosi va Israeli va vola, Livola yili li twula ku Hushai Muariki li veye lilahi kuvita livola lya Ahithofeli. Kigira Yahova u saaviye kugirunkannya livola lilahi lya Ahithofeli, Yahova a duke kuleta ubudamano ku Abisalom.

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

2 Avami 1:2

Na Ahazia yagulukira mu lidirisha lyenyumba yeye yegulu mu lidala lya Samaria, na a lwala: na ya tuma ava tumwa, na a va volera, Mu tsie kuteva ku Baalzebubu, munyasaye wa Ekiron, ni mba ni mbona ubulwaye yibu, kinga ni nta hona.

1 Kyetsinyinga 10:13

Kunangwa Saulo ya kudza kigira lihyola lilye lya ya hyola no kutinguha Yahova, mu likuva lya Yahova, lya ya vula kugumira; kandi kigira ya teva makuva ku mulala wa shukirwa, ku teva kuye,

Zaburi 107:27

Va vekera yiyi na yiyi, nokugenda kuli muhamhiki, Na ubugeeri bwavo bu mireywi.

Zaburi 33:10

Yahova a kolanga litovola lya vetsihiri kuva vutswa; Kandi a kolanga tsiganagani tsya avandu kuvula kukola kindu.

Zaburi 76:12

A la kalaga mwoyo gwa ava nene: A veye mutihidzi ku avami avelirova.

Tsing'ano 21:30

Si ha veye nobugeeri, kinga limanya, Kinga makuva ga nyala kusingira ku Yahova.

Isaya 14:27

Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

Isaya 15:2

Vanegira kutsia Bayithu, na Dibon kuduka hadiguluku, kulira; Moabu va kupira tsikwili, ku Nebo, noku Me deba; vyavusu vi veye ku mitwe gyavo vosi, tsinderu tsyosi tsi ve geywi.

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Isaya 47:12

Kalunu singira nobusegetiri bubwo, nobunyingi bwobukumu bubwo, bwa wa nyakana ku kutwula bwana buke; mbu'a u la nyala kukonywa, mbula u la guuta.

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Isaya 8:19

Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo?

Jeremia 46:15

Kigira ki avandu vovo vetsingulu va hilwa nokutwulidzwa? Si va singira mba, kigira Yahova ya va kunga.

Ezekieli 21:7

Na ga la va, lwa va ku teva, Kigira ki u kenyanga? Hene yaho u la va volera, Kigira amakuva, kigira gadzanga, nomwoyo sa mulala gu la yenguka, namakono gosi ga la va madedekere, na roho sa mulala gu la kudza, na masigamo gosi ga la va madedekere kuli amadzi: henza, gadzanga, na ga la kolwa, Mwami Nyasaye a vola.

Ezekieli 22:14

Mwoyo gugwo gu nyala kwikudzira, kinga makono gogo ga nyala kuva netsingulu, mu madiku ga ndi ku kolera yaga? Inze Yahova mboye likuva yili, na nda li kola.

Danyeli 1:20

Kandi mu makuva gosi gobugeeri na agelimanya, agomwami ya va teva ku, ya va lola kuva avalahi kuvita hali likumi, avakumu vosi na avasegetiri ava li mu bwami bwibwe bwosi.

Danyeli 2:2

Hene yaho mwami ya haana munwa kulanga avakumu, na avasegetiri, na avagongoyi, na Vakalidei, va volere mwami amaloto gege. Kunangwa vadza ni va singira imbiri womwami.

Danyeli 5:7

Na mwami ya hanzuka va lete ava ng'olera ku tsi ng'ereng'ani, na Vakalidei, na avang'oli. No mwami ya moloma na a volera avageeri va Babuloni, Ku vosi u li soma mang'oda yaga, nokummannya livuula lyago, a la vikwa ingubo yekiforosadi, na a la vikwa munyoro gwethahabu migoti mwimwe, na a la va wa kavaka mu bwami yibu.

1 Samweli 25:37

Na ga duka mugamba, lwa iwaini ya kalika ku Nabali, mukali wewe ya mu volera makuva yaga, nomwoyo gwigwe gwa kudza muye, na ya gwa kuli ligina.