Isaya 19:25 - KITABU KITAKATIFU

²⁵ kigira Yahova wa mahe u va gasidzi, na a vola, Va gasidzwe Egepeti avandu vange, na Asuria miyinzi gyamakono gange, na Israeli miyandu gyange.

Isaya 19:25 ပူးပေါင်းရင်းမြစ်များ

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 115:15

Mwinye mu veye avagasidziywi va Yahova, Wa lomba ligulu nelirova.

Zaburi 138:8

Yahova a la ndukidzira aga veye agange; O Yahova, tsimbabasi tsitsyo tsi reye ho mihiga nemihiga; U ta leka miyinzi gyamakono gogo.

Isaya 19:24

Mu lidiku yilyo Israeli ki la va kya kavaka halala na Egepeti na Asuria, va la va vokugasidza hagati helirova;

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 29:23

Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.

Isaya 45:11

Yahova, Mutakatifu wa Israeli, na Mulombi wewe, a vola ndi: U nteve ku vindu vidzanga; ku vindu vyavana vange, noku miyinzi gyamakono gange, mu ndage.

Isaya 45:14

Yahova a vola yaga, Linyankana lyemiyinzi gya Egepeti, nevindu vyamaguli vya Ethiopia, na Vasabea, avandu va veye avatambi, va ladza ku ive, va la va avandu vovo: va la londa ive; va ladza ku ive neminyororo gyavo: va la gwa hasi imbiri wowo, va la ku saala, ni va vola, Ligali Nyasaye a veye hagati hoho; si ha veye nowundi, si ha veve na Nyasaye wundi.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:9

Na kisukululwi kyavo ki la manyekana mu tsihiri, na lwivulu lwavo lu la manyekana mu vetsihiri: vosi ava va lola va la va bugirira, kuva kisukululwi kya Yahova ya gasidza.

Isaya 63:17

O Yahova, kigira ki u ku gotidzanga ku tsinzira tsitsyo, nokukola myoyo gyetu kuva miliduhu mu litibwa lilyo? Yirana kigira avatumekiri vovo, tsihiri tsye miyandu gyigyo.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Isaya 65:23

Si va la kola miyinzi gya vutswa, kandi si va livulira kivi; kigira va veye kisukululwi kya uyu wa gasidzwa wa Yahova, na lwivulu lwavo halala navo.

Jeremia 10:16

Kidieli kya Yakobo si ki veye kuli yivi: kigira a veye mulombi wevindu vyosi na Israeli a veye ihiri yemiyandu gyigye: Yahova wa mahe ni lieta lilye.

Jeremia 2:7

Na nda mu vika mu kivala kyevyokulia vinyingi, mu duke kulia amakuyu gakyo nobulahi bwakyo; navutswa lwa mwingira mu kivala zana, mwononnya kivala kyange, nemiyandu gyange mwa gyi kola kyokuvihiriridza.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Livalidza 24:1

Na lwa Balaam ya lola ga yanzidza Yahova kugasidza Israeli, si ya tsia kuli tsinyinga tsindi, kwenya likvena, navutswa ya henzidza mumoni mwimwe ku luvega lwekyangalangwi.

Livalidza 6:24

Yahova a ku gasidze, nokukulinda:

Livalidza 6:27

Ni ndiyo va la vika lieta lyange ku avana va Israeli; na inze nda va gasidza.

Varumi 3:29

Nyasaye a ve wa Vayuda veng'ine naho? Si a li Nyasaye we Tsihiri kandi? Yee, nowe Tsihiri kandi:

Vagalatia 6:15

Kigira likevwa si li veye kindu, kandi livula kukevwa, navutswa kilombe kihya.

Vafeso 1:3

Nyasaye a gasidzwe, kandi niye Dada wo Mwami wetu Yesu Kristo, wa ku gasidza nobugasu bwosi bwa roho obwomigulu mu Kristo:

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Kwidzulitsa 32:9

Kigira kidieli kya Yahova ki veye avandu veve; Yakobo a veye kidieli kyemiyandu gyigye.

Vafilipi 1:6

nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo:

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.