Isaya 19:23 - KITABU KITAKATIFU

²³ Mu lidiku yilyo lihasi li la va ho kutwula Egepeti kuduka Asuria, na Muasuria a lingira Egepeti, na Muegepeti a lingira Asuria; na Avaegepeti va la sigamira halala na Vaasuria.

Isaya 19:23 ပူးပေါင်းရင်းမြစ်များ

Zaburi 87:4

Nda tala Rahabu na Babuloni hagati havo ava manya inze: Henza, Filistia, na Turo, na Ethiopia: Uyu yivulwa yo.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 11:16

Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.

Isaya 19:24

Mu lidiku yilyo Israeli ki la va kya kavaka halala na Egepeti na Asuria, va la va vokugasidza hagati helirova;

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 49:11

Nda kola vigulu vyange vyosi kuva inzira, na mahasi gange ga la kuminywa.

Isaya 49:7

Yahova, Mutungiri wa Israeli, na Mutakatifu wa Israeli, u volera uyu wavandu va lega, uyu wa vetsihiri va dunyira, uyu mutumekiri wa yavo avamehanga; Avami va la lola nokuvuka; avanene va la sigamira; kigira Yahova u veye musuuvirifu, Mutakatifu wa Israeli, u tovoye ive.

Isaya 62:10

Mu vite, mu vite mu viribwa; mu lombe inzira yavandu; mu lunge kidze, mu lungekidze lihasi; mu twulidze magina galyo; mu gingire avandu ibendera.

Isaya 66:23

Na ga la duka, kutwula mweli muhya mulala, kuduka ku gundi, nokutwula ku lisabato lilala kuduka ku lindi, avemibiri vosi va ladza kusigamira imbiri wange, Yahova a vola.

Mika 7:12

Mu lidiku yilyo va ladza ku ive, kutwula Asuria namadala ga Egepeti, noku twula Egepeti kuduka ku Mugera, kandi kutwula ku inyanza yiyi kuduka ku inyanza yiyi, nokutwula ku kigulu yiki kuduka ku kigulu yiki.