Isaya 19:18 - KITABU KITAKATIFU

¹⁸ Mu lidiku yilyo ga la va ho mu kivala kya Egepeti amadala gatano aga tumekira lulimi lwa Vakanani, nokwisuhira Yahova wa mahe; lidala lilala li la langwa Lidala lyobwoneku.

Isaya 19:18 ပူးပေါင်းရင်းမြစ်များ

Litanga 11:1

Na lirova lyosi lya li nolulimi lulala, na livola lilala.

Nehemia 10:29

va hambana nava mwavo vavo, navanene vavo, na vivika mu vilaamo, nomu lisuha, va duke kugenda mu malago ga Nyasaye, aga Musa mutumekiri wa Nyasaye ya va ha, nokugalinda nokukola ama lago gosi ga Yahova Mwami wetu, namakalago gege nemegidzo gege

Zaburi 68:31

Avanene va la twula Egepeti; Ethiopia nonoho va la nyira ma kono gavo ku Nyasaye.

Isaya 11:11

Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

Isaya 14:1

Kigira Yahova a la vererera Yakobo, na a la tovola Israeli, na a la va vika mu kivala kyavo: na mumenya a la hambana navo, va la hambana nenyumba ya Yakobo.

Isaya 19:19

Mu lidiku yilyo bu la va ho mu kivala kya Egepeti ubwali bwa Yahova, noku lwako lwakyo munara gu la va ho ku Yahova.

Isaya 19:21

Na Yahova a la manyekana ku Egepeti, na Avaegepeti va la manya Yahova mu lidiku yilyo; yee, va la sigamira nokuhaana vihaanwa nevindu, na va la kola lilagana na Yahova, nokulikola.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 65:16

kuduka ga la va uyu wegasidza mwene mu lirova a legasidza mu Nyasaye wageligali; na uyu wesuha mu lirova, a lesuha ku Nyasaye wageligali; kigira vivi vya kale vi mali kwivirirwa, kandi kigira vi viseywi ku tsimoni tsyange.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Zefania 3:9

Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.