Isaya 18:5 - KITABU KITAKATIFU

⁵ Kigira imbiri weligesa li kikiri kuva ho, vimuli ni vi mali kuvunguluka, nevimuli ni vi gwiye mazabibu genga, a la kalaga visivu netsinkonono, na tsisya tsya tavalala a la tsi halula.

Isaya 18:5 ပူးပေါင်းရင်းမြစ်များ

Lwimbu lwa Solomoni 2:13

Mukuyu gwengidzanga makuyu gagwo magingi, Na mizabibu gyi lavidzanga; Gyi lusanga malusu gagyo. Vuka, muyanze wange, mulahi wange, ku tsie.

Lwimbu lwa Solomoni 2:15

Ku gumire vinywere, vinywere vikekeke Vyononyanga milimi gyamazabibu; Kigira milimi gyetu gyemizabibu gyi lavidzi.

Isaya 10:33

Henza, Mwami, Yahova wa mahe, a la kalaga tsisya nelitihidza; navatambi va la temwa ligali, na veginga va likidzwa hasi.

Isaya 27:11

Tsisya tsyalyo lwa tsyuma, tsi la vunanywa; avakali va ladza, nokutsyaakidza umuliru; kigira va veye avandu ava ta li nelimanya: kigira yaga uyu wa va lomba si a la va vererera mba, uyu wa va longa si a la va vanza mba.