Isaya 18:4 - KITABU KITAKATIFU

⁴ Kigira Yahova ya mbolera likuva yili, Nda kiring'ana, na nda lola mu hokumenya hange, kuli masalira mu mbasu, kuli lilesi lyelime inyinga yeligesa.

Isaya 18:4 ပူးပေါင်းရင်းမြစ်များ

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

2 Kyetsinyinga 6:21

Kandi hulira kuli mutumekiri wowo a hombanga, navandu vovo Israeli, lwa va saala kuhenza hano: yee, u hulire migulu ha bumenyo bubwo, kali kutwula migulu; u sa mehe lwa u hulira.

Zaburi 72:6

A lika ku lirova kuli imbula i kupanga ku ubulimu bu kalageywi, Kuli imbula yamadzi mavovo ku lirova.

Tsing'ano 19:12

Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 14:32

Kunangwa mundu a la tivulira ndi avatumwa vehiri? A la vola, Yahova u temi muse gwa Zioni, na yavo va dambidzwa mu avandu veve va lirukira yo.

Isaya 18:7

Inyinga yeyo Yahova wa mahe a la leterwa kihaanwa kyavandu avatambi navaterere, navokutihidza kutwula mu litanga lyavo kuduka kalunu, va veye ihiri i geranga nekigero, noku duvaga hasi, yekivala kyayo kya gavanywa nemigera, kuduka ha bu gono bwelieta lya Yahova wa mahe, kigulu kya Zioni.

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Isaya 26:21

Kigira, henza, Yahova a twulanga hango hehe a kalagire avamenyanga ku lirova kigira ubudamano bwavo: na lirova li la lang'aminya amasahi galyo, si li la kunika avandu valyo aviitwa mba.

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Isaya 46:13

nda leta ubulungi bwa nge bu ve himbi; si bu la va ihale mba na ubuhonnyi bwange si bu la lindar gira; nda vika buhonnyi mu Zioni kigira Israeli ubukumi bwange.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Hosea 5:15

Nda tsia kwirana hango hange, kuduka lwa veyama mahyolo gavo, nokwenya mmoni mwange: mu kivi kyavo va la nyenya ligali.

Joeli 3:17

Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.