Isaya 18:3 - KITABU KITAKATIFU

³ Mwinye vosi avamenyi mu lirova, na mwinye avamenyi ku kivala lwa ibendera i sungwa igulu ku viguiu, mu lole; na lwa kisiliva ki kupwa, mu hulire.

Isaya 18:3 ပူးပေါင်းရင်းမြစ်များ

Zaburi 50:1

Nyasaye, Wanyala Vyosi, kah Yahova, u voye, Nokulanga lirova kutwula ku litonga lyeliuva nokuduka ku liyera lyalyo.

Isaya 1:2

Mu hulire, O migulu, na u tegidze ugutu, O lirova: kigira Yahova u voye: Inze mmali kulageridza nokukulidza avana, navo vebaaye ku inze

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 13:2

Mwesingeridzire ibendera ku kigulu ki ta veye nemisala kinga ubulimu, mu hanzuke myoyo gyenyu, mu va sime nomukono, va duke kwingira mu viribwa vyavanene.

Isaya 13:4

Liyoga lyavanyingi mu vigulu, kuli liyoga lyavandu vanene Liyoga lyomuliviti gwobwami bwetsihiri bwa vugana halala Yahova wa amahe ya vungidza amahe ku ubulwani zana.

Isaya 26:11

Yahova, mukono gugwo gu gingeywi igulu, navutswa si va lola mba: navutswa netsisoni va la lola ubugulu bubwo ku avandu; yee, muliru gu la samba vasigu vovo.

Isaya 31:9

Na lwanda lwilwe lu la twula kigira litihidzwa, navanene veve va la tihidzwa kigira ibendera, Yahova a vola, womuliru gwigwe gu veye mu Zioni, namahiga gege mu Yerusalemi.

Isaya 49:22

Yahova Nyasaye, a vola ndi, Henza, nda gingira avandu ve tsihiri mukono gwange, nokusingeridzira avandu ibendera yange; na va la leta avana vayai vovo mu viritu vyavo, navakana vovo va la gingirwa ku mavega gavo.

Isaya 5:26

Na a la gingira tsihiri tsye hale ibendera, na a la va langira kutwula ku kiheri kyelirova; na henza, va ladza tsimbiru ligali.

Isaya 7:18

Na ga la duka mu lidiku yilyo Yahova a la langira ingi i veye ku kiheri kyemigera gya Egepeti, nenzuki i veye mu kivala kya Asuria.

Jeremia 22:29

O lirova, lirova, lirova, hulira likuva lya Yahova.

Jeremia 51:27

Singeridza ibendera mu kivala, mu kupe kisiliva hagati hetsihiri, mu sone tsihiri kuye, mu lange ubwami bwa Ararati bu vunge halala kuye; na Mini, na Ashikenazu: mu vike umunene kuhing'ana naye; mu lete kuvo tsiparasi, tsyanegire kuli ubudziriri.

Mika 1:2

Mu hulire mwinye avandu vetsihiri tsyosi; u hulire, ive lirova, na vindu vyosi vi veye mu: Mwami Yahova a lolekidze ku mwinye, uyu Mwami mu litempeli lilye litakatifu.

Mika 6:2

Mu hulire mwinye vigulu, lihing'ana lya Yahova, na mwinye mise gyelirova gyi hindiranga; kigira Yahova a veye nelihing'ana na avandu veve, nelivanza ku Israeli.

Mika 6:9

Mwoyo gwa Yahova gu langanga ku lidala, mundu wobugeeri a la lola lieta lilye: mu hulire impimbo, ni bwaha wa gi laga.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

Matayo 13:16

Navutswa tsimoni tsyenyu tsi veye nobugasu, kigira tsi lola; namatu genyu, kigira ga hulira.

Matayo 13:9

U veye namatu gokuhulira, a hulire.