Isaya 18:2 - KITABU KITAKATIFU

² kivala ki hilanga avatumwa uomuami ku inzira yenyanza, mu amato gelihunzu ku madzi manene, ni va uola, Mu tsie, mwinye avatumwa avetsimbiru, ku ihiri i veye intambi na interere, ku avandu ava li nelitihidza kutwula mu litanga lyavo kuduka kalunu, ihiri i geranga nekigero nokuduvaga hasi, yekivala kyayo kya gavanywa nemigera

Isaya 18:2 ပူးပေါင်းရင်းမြစ်များ

2 Kyetsinyinga 14:9

Zera Muethiopia ya va twulira nelihe lyetsielfu elfu, na magari tsimia tsivaka, na ya duka ha Meresha.

2 Kyetsinyinga 16:8

Vaethiopia na Valubi, si va li lihe linene, halala namagari, navokunina ku tsiparasi vanyingi ligali? Navutswa kigira lisedema lilyo ku Yahova, ya va vika mmukono gugwo.

Ayubu 9:26

Ga mali kutsia kuli amato getsimbiru; Kuli indidzu yikanga ku kyokuhima kyayo.

Kutwula 2:3

Na lwa ya vula kunyala kumuvisa kandi, ya mu vugulira akatu kelihunzu, na a ka vaka ubudohi ne irangi, na a vika mu mwana; na a ka veka mu lihunzu li veye ku luginga lwomugera.

Isaya 18:7

Inyinga yeyo Yahova wa mahe a la leterwa kihaanwa kyavandu avatambi navaterere, navokutihidza kutwula mu litanga lyavo kuduka kalunu, va veye ihiri i geranga nekigero, noku duvaga hasi, yekivala kyayo kya gavanywa nemigera, kuduka ha bu gono bwelieta lya Yahova wa mahe, kigulu kya Zioni.

Jeremia 49:14

Mbuliye makuva ga twulanga ku Yahova, mutumwa u tumeywi hagati hetsihiri, kuvola, Mu vugane halala, muudze kuye, mu singire mu tsie mu bulwani.

Ezekieli 30:9

Ku lidiku yilyo avatumwa va la twula imbiri wange mu amato kutihidza Avaethiopia ava ta li neli ganagana: na ha la va nelitsunwa kuvo kuli ku lidiku lya Egepeti; kigira, henza, lidzanga.

Obadia 1:1

Yili ni lilola lya Obadia. Mwami Yahova a vola ndi ku Edom: Ku huliye makuva ga twula ku Yahova, na mutumwa u tumwa mu tsihiri, kuvola, Mu vuke ku singire kulwane naye bulwani.

Habakuk 1:7

Va veye avokutihidza, avadamano ligali; likalaga lyavo, na ubukumi bwavo, vi twulanga muvo avene.

Luka 10:19

Henza, mmali kumuha tsingulu kuduvaga tsinzoka neng'e, kandi ku tsingulu tsyosi tsyomusigu: kandi si ha li nekindu ki li mwononnya kali hakuzu.