Isaya 17:6 - KITABU KITAKATIFU

⁶ Halala na yaga vyang'alika vi la tigala mu, kuli lisung'usa mizeituni, tsinzoli tsi viri, kinga tsivaka ku isonga yolusya igulu ligali, tsinzoli tsine kinga tsitano ku tsisya tsyekyova tsyomusala gwa manga ligali Yahova, Nyasaye wa Israeli a voia.

Isaya 17:6 ပူးပေါင်းရင်းမြစ်များ

1 Avami 19:18

Halala na yaga va tigala ku inze mu Israeli, avandu tsielfu tsitano na tsiviri, amasigamo yago gosi ga vula kwinamira Baal, neminwa gyosi gya vula kumubusa.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 10:22

Kigira avandu vovo Israeli, kali ni va veye vanyingi kuli muyeke gwenyanza, avatigaye veng'ine va lirana: ubudividzi bu saaveywi, bwizuye du ubulungi.

Isaya 24:13

Kigira ni ndiyo ga la va hagati helirova hagati ha tsihiri kuli lisung'uswa lyemizeituni, kuli lidola lyomuzabibu, lwa li la va ni li fweye.

Isaya 27:12

Na ga la va mu lidiku yilyo, Yahova a la hula amakuyu galyo kutwula ku kisenukiru kyo Mugera kuduka ku mugera gwa Egepeti; na mu la vungidzwa sa mulala, O mwinye avana va Israeli.

Jeremia 4:27

Kigira Yahova a vola ndi Kivala kyosi ki la va vutswa, halala na yaga si nda ki mala ligali.

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.

Obadia 1:5

Avivi ni va duka ku ive, avanuli ni va duka inyinga yobudiku (litwulidzwa lilyo li la duka kuli ndi) si va liva kuduka va nyole vi va duka? Na ava noganga mazabibu ni vadza ku ive, si va la leka mazabibu gandi ga dolwe lwenyima?

Mika 7:1

O bayaye ku inze kigira mbeye kuli lwa va mali kwagula makuyu genyinga yoluya, kuli mazabibu ga dolangwa mu inyima yelyagula: nekiganda si ki nyoleka kulia; nomwoyo gwange gwenyanga makuyu gokutanga kwenga.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Varumi 9:27

Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa:

Kwidzulitsa 4:27

Na Yahova a la mu salannya hagati ha avandu, na mu la tigala vakekeke livalidzwa lyenyu hagati hetsihiri, ha Yahova a la mu hila.

Vakalagi 8:2

Naye ya va volera, Inze nkoli ki kalunu kuli kya mwinye mwa kola? Lidola lya mazabibu gang'alika aga Efiraim si li veye lilahi kuvita ligesa lya Abiezeru?