Isaya 17:4 - KITABU KITAKATIFU

⁴ Na ga la duka mu lidiku yilyo, ubukumi wa Yakobo bu la gehidzwa, nobukomeru bwomubiri gwigwe gu la ng'aha.

Isaya 17:4 ပူးပေါင်းရင်းမြစ်များ

Litanga 41:3

Na henza, tsing'ombe tsindi tsitano na tsiviri tsya li inyima watsyo kutwula mu mugera, tsindamano na tsing'ahu, na tsya singira himbi na tsing'ombe tsindi ku luginga lwomugera.

2 Avami 17:3

Shalimanezeru mwami wa Asuria yanegira kulwana naye; na Hoshea ya gwa mutumekiri wewe, na ya mu hilira ubushutu.

2 Avami 17:6

Ku muhiga gwa kola gyitano na gyine gwelyameha lya Hoshea, mwami wa Asuria ya vugula Samaria, na ya hila Israeli avahambe kuduka Asuria, na ya va vika mu Hala, nomu Haboru, himbi na mugera gwa Gozan, nomu madala ga Vamedi.

Isaya 10:16

Kigira yaga Yahova, Yahova wa mahe, a la hila ubung'afu bwingire mu vikomeru vivye; kandi isi wobukumi bwibwe li laakidzwa lisamba, kuli lisamba lyomuliru.

Isaya 10:3

Na mu la kola ki mu lidiku lyokuhenzwa, nomu lidividza li la twula ihale? Mu lirukira ku bwaha kunyola bukonyi? Nobukumi bwenyu mu la bu vika haliha?

Isaya 10:4

Bugira inze va linama isi wa vahambe, nokugwa isi wa yavo aviitwa. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 17:3

Na impinga i la hera mu Efiraim, nobwami bu la hera mu Damasko, na litigala lya Siria; va la va kuli ubukumi bwavana va Israeli, Yahova wa mahe a vola.

Isaya 24:13

Kigira ni ndiyo ga la va hagati helirova hagati ha tsihiri kuli lisung'uswa lyemizeituni, kuli lidola lyomuzabibu, lwa li la va ni li fweye.

Isaya 24:16

Kutwula ku luvega lwekiheri kyelirova kwa hulira tsinyimbu: Ubukumi bu ve ku valungi. Navutswa nda vola, Inze nda ng'aha, nda ng'aha bayaye bu veye ku inze avobugadi va tumekira ubugadi bwavo; yee, avobugadi va tumekira ubugadi ligali.

Isaya 9:21

Manase kulia Efiraim, na Efiraim kulia Manase: na vombi va la va nelihing'ana na Yuda. Navutswa ku yaga gosi ubutima bwibwe bu kikiri kugirunkanywa, navutswa mukono gwigwe gu nyireywi kuduka kalunu.

Isaya 9:8

Yahova ya hila likuva ku Yakobo, na lya duka ku Israeli.

Ezekieli 34:20

Kigira yaga Mwami Nyasaye a va volera ndi: Henza, yee, inze, nda kalaga hagati hamagondi manetu namagondi mang'afu.

Amosi 3:12

Yahova a vola ndi: Kuli mwayi a twulidza mu munwa gweking'ang'a, virenge viviri, kinga kidonye kyogutu; ni ndiyo avana va Israeli va la twulidzwa ava menyanga mu Samaria mu ikorna mwekitali nomu Damasko ku kitali.

Zefania 2:11

Yahova a la va litihidza kuvo; kigira a la ng'ahidza avanyasaye vosi velirova navandu va la sigamira uyu, sa mulala hango hehe, kali visulu vyosi vyetsihiri.