Isaya 17:13 - KITABU KITAKATIFU

¹³ Tsihiri tsi la salama kuli lisalama lyamadzi manene: navutswa uyu a la va gondokera, navo va liruka kutsia ihale, na va la kungwa kuli mukuudzi gwirukidzangwa mu vigulu imbiri wembuudza, na kuli lugukyi lu duminywa mu kihudzudzi.

Isaya 17:13 ပူးပေါင်းရင်းမြစ်များ

Ayubu 21:18

Na va veye kuli amavululi imbiri wembuudza Na kuli mukudzi gu hilangwa nekihudzudzi?

Ayubu 38:11

Nokugivolera, Ive u la duka hano, navutswa si u la vita mba; Na hano viguvuli vivyo vyoluyai vi ligalirwa?

Zaburi 1:4

Avoni si va li ndiyo mba Navutswa va fwanana nomukuudzi gwembuudzi i hila.

Zaburi 35:5

Va ve kuli mukuudzi imbiri wembuudza, Ingelosi wa Yahova a Da kunganga.

Zaburi 65:7

U kiring'annya liyoga lyetsinyanza, Liyoga lyeviguvuli vyatsyo, Na kivihiri kya avetsihiri.

Zaburi 65:8

Na vosi ava menya mu tsimbega tsya ihale va tiye vimannyiru vivyo: Ligenda lyomugamba na lyomgolova, ive u li hedzanga ubusangali.

Zaburi 9:5

Ive u gondokeye tsihiri, u dividzi avadamano, Weyi lieta lyavo mihiga ne mihiga.

Isaya 14:25

nda vunannya Muasuria mu kivala kyange, nda mu duvagira isi wevirenge mu vigulu vyange: kunangwa inira yeye i la twula kuvo, nemisigo gyigye gyi la twula ku ma vega gavo.

Isaya 21:15

Kigira viruka vivavi, ku kivavi kya somolwa, nobuta bwa nyirwa, nobuliduhu bwo bulwani.

Isaya 22:18

Ligaii a la ku naza noku kusikisa kuli mupira kuduka mu kivala kinene; na u la kudzira yo namagari gobukumi bubwo ga la va yo, ive u veye tsisoni tsyenyumba yomunene wowo.

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 29:5

Navutswa kiduma kyavasigu vovo ki la va kuli lugukyi, na kiduma kya yava avokutihidza ki la va kuli mukudzi gu bulukanga: yee, ga la va nonoho, bwangu.

Isaya 30:28

mwika gwigwe gu yeye kuli mugera gwizuliranga, gu dukanga mwigoti, kusesa tsihiri nelisesa lyobudivi: nelijamu li kyaminyanga Ii la va mmunwa gyavandu.

Isaya 34:17

Na a vi koleye ikura, nomukono gwigwe gu vi gavuliye nomugoye: va la va nakyo madiku gosi; kutwula ku likula yili kuduka ku likula yilyo va la menya mu.

Isaya 40:15

Henza, tsihiri tsi veye kuli ingerageridza yamadzi mu isiongo, na tsi validzangwa kuva kuli akagukyi ka huudzangwa ku tsiratili: henza, a ginganga visulu kuli akandu vutswa.

Isaya 40:24

Yee, va vula kusimikwa; yee, va vula kumidzwa; yee, kitinya kyavo si ki hili imiri hasi: halala na yaga a va herera mwika, navo va nialanga, nekihudzudzi ki va twulidzanga kuli luvuva.

Isaya 41:11

Henza, yavo vosi va dunyira ive va la va isoni nokugenya: yavo va hing'ananga nive va la va avavutswa, nokudiva.

Isaya 8:7

kunangwa kalunu, henza, Yahova a letanga kuduka kuvo amadzi go Mugera yigwo, ga veye netsingulu kandi manyingi, nago gu veye mwami wa Asuria nobukumi bwibwe bwosi: nago ga lanegira mu migera gyigye gyosi nokwizula kuvita luginga lwosi:

Danyeli 2:35

Hene yaho kivya, nobudohi, nomugasa, nefetha, na ithahabu, vya donyannywa halala, nokugwa kuli mukudzi gwo uloze gwekimei; na imbuudza ya vi hila, kuduka vi ta li na hokuva: na ligina lya duya kifwananyi lya gwa kigulu kinene, nokwizula lirova lyosi.

Hosea 13:3

Kigira yaga va la va kuli lilesi lyomugamba, na kuli lime li ka manga mabwebwe, kuli mukuudzi gwekihudzudzi ki hilanga ku lodze lwokuhuula ubuswage, na kuli mwoki mu butwuliru bwagwo.

Zefania 2:2

lwa lilaga li kikiri kwi vula, lwa lidiku yilyo li kikiri kuvita kuli mukuudzi, lwobutima bululu bwa Yahova bu kikiri kuduka ku mwinye, lwa lidiku lyobutima bwa Yahova li kikiri kuduka ku mwinye.